Американ Цхьаьнатоьхначу Штатийн ТIеман ХIордан ницкъаша дIакхайкхийна шаьш лазеран герз зийна хилар, Гергарчу Малхбалехь оцу гIуллакхна кечйина хи чохь лела Iалашо хIаллак а еш. Цунах лаьцна хаам бо "Американ аз" зорбан гIирсо.
Оцу тайпачу герзан системех пайда эцалур бу шеца бомбанаш йолу Йеменерчу гIаттамхоша ЦIен хIордехь тIелетарш деш лелочу тIехь адамаш доцчу катершца къийсам латтош.
Зераш дIахьуш Американ Цхьаьнатоьхначу Штатийн ТIеман ХIордан ницкъийн "Портленд" хIордан кемано гайтаман лазеран топп тоьхна Малхбален Африка а, Iаьрбийн ахгIайре а йоькъучу Аденан айманехь билгалъяьккхинчу Iалашонна.
Гергарчу Малхбалехь туп тоьхначу ТIеман ХIордан ницкъийн 5-чу флото дIахьедина, лазеро "кхиаме йохийна Iалашо" аьлла.
2020-чу шарахь Стигалкъекъа-баттахь "Портленда" лазер тоьхна чудаийтира тIемадаьлла догIу тIехь пилот воцу кема.