Кадыров Рамзанера 3 млн сом гIо кхаьчна совдегархошна гIо деш йолчу компанина. Межидова Лаура йу и дIайиллинарг – изза йу цхьана хеначохь Нохчийчоьнан куьйгалхочун йоьалгIачу йоIаца Табарикца цхьаьна компани дIайиллинарг а.
Грантан барам 3 млн сом бу – уггар йоккханиг йу иза. Коммерцехь йоцучу, безнесна гIо латточу "Единство" цхьаьнакхетараллина хьажийна и ахча. Кху шеран зазадоккху-баттахь дIайиллина и компани Межидовас. Кадырова Табарикца цхьаьна ООО "Ирс Групп" компани дIайиилинарг йу Межидова, дуьйцу юридикан цхьанатохараллех лаьцначу биллинчу хаамашкахь.
Республикан куьйгалхочун гранташ меттигерчу коммерцехь йоцучу цхьаькхетараллашна хьажош куьг йаздина Нохчийчоьнан куьйгалхочун декхарш кхочушдеш волчу Хучиев Муслима. Иза кхаьчна тIамехь дакъалаьцначу наханна, церан доьзалшна, тIеман ветеранашна гIо деш йолчу организацешна, иштта патриотикан кепехь бераш кхиош, Украинерчу тIамехь заьIап хиллачу эскархошна гIо латтош йолчу цхьаьнакхетараллашна а.
- Кху шеран зазадокху-баттахь Нохчийчоьнан урхалхочун йоI Кадыров Табарик хилира "Ирс Групп" компани йиллинарг. Цуьнан карахь йу йукъараллин уставан капиталан 99%. Йохка-эцар а, кхин а 35 тайп-тайпана категореш йу цу компанино лелош - ресторан тIера дIайолайелла гIишлошна тIехь урхалла даре кхаччалц. "Ирс Групп" компанин регистраци чекхйаьлла масех кIира далале йоьллу цо фирма "Берекет" (юстуш йухку сурсаташ), "Альпийские луга" (бепиг, мерза хIума йаттар), "Грозненское такси"(таксхойн болх).
- "Ирс Групп" шен болх шуьйро баржон дагахь йу - (юстуш йухку сурсаташ), оьрсийн а, кхечу пачхьалкхийн а брендашца, франшизашца уьйраш тасар, гостиницийн, ресторанийн бизнес, реклама, йохкар, эцар, хIусамийн аренда а",- элира компанин презентацехь Кадырова Табарика.
- Украинин президенто Зеленский Владимира оханан-беттан 1-хь керла санкцеш йукъайаьхна. Царна йуккъелаьцна цхьаболу Оьрсийчоьнан махкахой а, компанеш а. Цу могIарехь йу Нохчийчоьнан куьйгалхочун 18 шо долу йоI Кадырова Табарик. КадыровгIеран доьзална хIун тIеIаткъам бийр бу цу санкцеша, аьлла хеттарш дира Кавказ.Реалии сайто.