Падаров Iаьрби. Нохчийн мотт

Падаров Iаьрби. Нохчийн мотт

Падаров Iаьрби

Нохчийн мотт

Азаллехь кхуллуш вай, мерза

кост –мотт вайна белла,

Маттаца – дуьненахь къоманна

когхIотто лард.

Бицбахь и – нохчийн къам – дахахь а –

хир ма ду делла,

АллахIа гечдийрдац, хоттур бу

Эхартахь барт.

Цунна ду: дайша и къийсамехь

ларбина хийла,

Лардина Iадаташ, нохчаллех

ца бухуш цуьрг.

Церан и весеташ хьоьшушверг

хира ву мила?

Цу тайпа волчуьнга кховдо а

оьший-те куьг?

Дуьненан марзонаш

ненан марзонашца евзаш,

Аганахь эсала хьистинарг экаме са,

Нохчийн мотт ма бара.

Цундела, сил иза безаш,

Геналло кхайкхарх а,

дегнаша вай доьху цIа.