Журналистана Дудь Юрийна лучу интервьюхь политико Яшин Ильяс дIахьедина, Оьрсийчоьнан кхерамзаллина Кадыров Рамзан кхераме ву, ткъа цуьнан раж "меллаша эккхар йолу бомба ю, тIейогIучу хенахь цхьа Кавказ эккхийтина ца Iаш, йоллу вайн пачхьалкх а оьккхуьйтур йолуш" аьлла.
Яшинна хетарехь, федералан Iедалша гIо латторо а, Оьрсийчоьнан низамаш кхочуш ца ден Кадыровна кхачийначу ша-башхачу хьоло а, цхьана регионан куьйгалхочунна магийна доцург, шена могуьйтучу, сецайо, амма кхочуш ца йо "Кавказан проблемаш", цунна дан хIума доцуш йисина "полици а, ФСБ а, ша Путин а". ТIехула тIе Iедал а, Кадыровн Нохчийчуьра легитиме хилар а, Яшинна хетарехь, лаьтташ ду кхерамаш тIехь, ткъа билггал цуьнгара хуьлучу гIоьнан тIегIа башха лакхара а яц.
Иштта, Яшина билгалдаьккхина, Оьрсийчоьнан президент Путин Владимир, "ша йинчу оцу проблемех кхеташ ву, амма кийча вац цуьнан йист яккха". Цунна хетарехь, шен политикехь ницкъан меттана а, гуттар а цунах бIбоболар совдаккхарна а тIетийжа Путин, ша санна лелачу контрагентца дуьхьалкхетча, юхаволу.
Иштта Яшин тешна ву, Кадыров Рамзанан президентан амбицеш хиларх, ткъа важа кхеташ ву, "цуьнга кхаллалур йоцу юьхк" и хиларх. Яшинна хетарехь, Оьрсийчохь политикан дестабилизаци хиларе сатуьйсу Кадыров, кийча ву Къилбаседа Кавказехь "йоккха халифат" дIахIотто, Нохчийчохь коьрта меттиг а болуш исламан пачхьалкх."
"Кадыровн проблемаш" цхьалхаяхархьама, хета Яшинна, "иза лоцуш спецопераци" оьшу, бехкзуламан гIуллакх цунна дуьхьал а доккхуш, Нохчийчохь шаьш шайга урхалла дайта меттигера куьйгалла а, цIена харжамашкахула халкъан тешам болчу нахах Iедалхой вовшахтухуш.
- Чиллан-беттан 7-чохь онлайн петици хIоттийра Яшин Ильяс, президенте Путин Владимире Кадыров Рамзан дIаваккха аьлла. Шина кIиранчохь цунна куьйгаш яздира 220 эзар сов стага, цхьана дийнахь куьйгтаIийнарг вара – 280 эзар гергга. Кремлехь дIахьедира, и тIедожор дош хетта, тIе ца ийцира шаьш аьлла.
- ТIаьххьарчу шарахь шен YouTube-каналехь Яшина арахецна Кадыров Рамзанах а, цуьнан гонах а лаьцна фильмаш: "Кладбище Кадырова. Как исчезали враги Рамзана", "Кадыровский каратель. История Магомеда Даудова", "Самый опасный депутат России. История Адама Делимханова", иштта биллина кхайкхам бира Кадыровга, суьдхо хиллачу Янгулбаев Сайдин доьзал хьийзорна а.
- 2016 –чу шарахь Яшина, Немцов Борис вийна шо кхачарна лерина, экспертан рапорт арахийцира Кадыровх лаьцна "Къоман кхерамзаллин кхерам" аьлла.