Оьрсийчоьнан тIеман министралло Нохчийчохь кхелехь къуьйсуш ду меттигерчу агрофирмина латтанаш дIадалар. Дуьйцург ду Калиновская олучу станицин юьстах долу 936 гектар латта – Украинерчу тIамехь дакъаьцначу 71-чу полкан тIеман латтанех дара иза.
И дакъа федералан долахь доллушехь, Ноьвран кIоштан администрацино аукцион дIайаьхьна, 2020-чу шеран аьхка и латта "Рассвет" агрофирме дIа а луш. КIоштан Iедалша дуьхьал кховдийначу искехь дехар дира Оьрсийчочьнан оцу лаьттах бакъо дIайаккха аьлла. Росреестран а, Iаламан министралло а, бахаман, латтанийн юкъаметтигийн министралло а тIедожийра полигон тIеман министраллера схьайаккхар.
Нохчийчуьра арбитражан кхело хьесап дира, тIеман министраллин оцу декъан бакъо хиларан "дуккха а сакхташ" ду аьлла, цундела дуьхьалр йира искана. Ессентуки гIаларчу ЯлхийттолгIачу арбитражан апелляцин кхело нохчийн кхелахочо Исмаилов Рамзана бина сацам низамца богIуш бац аьлла, юхабаьккхина, эзар гектар хиллал латта федералан дола юха а дерзош.
Оцу сацамна реза ца хилла Нохчийчоьнан Iедалш, тIеман полигон муниципалан долахь йитар тIедожийна цара, карарчу заманчохь гIуллакх кассаци кхаьчна
Дуккха а миллионашкахь "Дворец Спорта" тойан бинчу бертаца Iазап латто бартбаран билгалонаш ца хаайелира Волгоградан кIоштара арбитражан кхелана. Оцу кепара сацам бира кхело, тIелацамхочо мукIарло динашшехь.
- Москварчу арбитражан кхеле 2022-чу шарахь иск кхачийра "Фирдаус" модин цIенна дуьхьал - Украинехь тIом болийначул тIаьхьа Оьрсийчохь болх сацийначу "Конде Наст" арахоьцийлан цIийно тIедожийра Нохчийчоьнан урхалхочун йоьIан Кадырова Iайшатан фирмина 814 эзар сом декхар а, барт бохорна такха билгадаьккхина кхин а 893 эзар сом гӀуда а. Арбитржан гIуллакхан материалшкара къаьстина, 20I9-чу шарахь декхар хьарчийна хилар.
- Нохчийчоьнан куьйгалхо масийттазза девне вийлира тIеман министраллин лаккхарчу даржхошца Оьрсийчоь Украине гIоьртинчул тIаьхьа.