Украинерчу тIамехь Оьрсийчоьнан Къилбера а, Къилбаседа Кавказера а кхин а 24 эскархо валарх хиъна: Ставрополан кIоштара ялх стаг а, Ростовн кIоштара ялх а, Волгоградера пхиъ а, Дагестанера кхоъ а, Къилбаседа ХIирийчуьра шиъ а, ГIалмакхойчуьра а, Краснодаран кIоштара а цхьацца а.
Ставрополан кIоштара Буденновскера ялх валарх къаьстира мэран телеграм-каналехь церан гергарчарна совгIаташ дIалуш бинчу хаамца. Беллачарлахь ву – лахара сержант Марданов Максим, ефрейтор Магомедов Iабдулла, 205-чу гIалгIазкхийн бригадехь гIуллакх деш хилла могIарера салти Магомедов Шемал, 497-чу къаьстинчу вертолетан полкера сержант Шиянов Александр, могIархо Машков Александр а, 4-чу танкан дивизехь гIуллакх деш хилла капитан Кохович Александр а. Магомедов Iабдулллин а, Магомедов Шемалана а ден цIе цхьаъ нисйелла – Иса-Кадыевич- делахь а, уьш вовшийн гергарлонехь хиларх бина хаам бац.
Ростовра Donday гIирсо хаамбо Тацинская станицера 24 шо долу вахархо Зеленов Генадий валарх. Цунах лаьцна яздина, "Донбасс йоккхучу тIамехь" дакъалаьцна ву 2014-чу шарера схьа дуьйна аьлла. Информаци бакъ йелахь, Зеленов шен 16 шо долчу хенахь дIакхетта сепаратистийн тIеман вовшахтохараллийн декъех.
23 шо долу Ростовн кIоштара Донецкера вахархо Ратин Александра дакъалаьцна Украине чугIортарехь лаамхочун статусехь. Лахьан-беттан юьххьехь хьажийна вара иза тIамтIе, беттан юьххьехь вала а велла.
Иштта лахьан-беттан 10-чохь мобилизаци йина хилла 19 шо долу Аховскан кIоштара Овощной эвлара Гетьман Антон вийна.
Октябрьскан кIоштара кхо вахархо кхалхарх гучуделира меттигерчу администрацино церан гергарчарна совгIаташ деш дуьйцучу публикаци тIера, хаамбо Кавказский узел ресурсо. Аленко Алексей а, Степочкин Михаил а ву и шиъ Персиановский эвлара, Красюковская слободера Чернов Евгений а.
Волгоградан кIоштара белла эскархой дIабохкарх яздо VI.ru хьосто. Ву царлахь мобилизаци йина хилла 40 шо долу Городищенскан кIоштара Паньшино эвлара, лахьан-беттан 170-чохь вийна Зверьков Сергей, лахьан-беттан 17-чохь вийна Руднянскан кIоштара 24 шо долу Коновалов Дмитрий а.
Иштта къаьстина Волгоградера 28 шо долу Садчиков Михаил валарх а, Садчиковх йисино бахарехь, могIархо вара иза. ГIадужу-беттан 29-чохь вийна иза.
Камышинера ши вахархо – лахьан-беттан 10-чохь йинчу чевнех лазартнехь велла 24 шо долу Алексеев Никита а, лахара сержант Громов Роман а кхалхар тIечIагIдина гIалин военкоматехь.
Дагестанера кхо вахархо валарх, царех лаьцна информаци Кавказ.Реалиигахь яцара, хиира Шамильскан кIоштан администрацино мемориалан видеоролик зорбане яьккхича.
Ставрополехь вехаш хилла Хонох эвлара 39 йа 40 шо хиллачу Омаргаджиев Iела вийна Николаевскан кIоштара Виноградовка эвлахь. Телетль эвлара 31 йа 32 шо долу Раджабов Камал вийна артиллерин тохарш деш. Мобилизаци йина хилла Кумторкалинскан кIоштара Темиргой эвлара 39 шо долу Магомаев Iабдулхалик велла Донецкан кIоштара Марьинка юьртахь.
Къилбаседа-ХIирийчоьнан телеграм-каналаша хаамбо Моздокера 21 шо долу сержант Кончаков Дмитрий валарх, Кантемировскан дивизихь гIуллакх деш хилла иза вийра гезгамашин-беттан 10-чохь.
Дайн-нанойн цIарах беллачех хаамаш зорбане бохучу Буьри-гIалин телеграм-канало хаамбира Плиев Казбек валарх Украинехь, кхин совнах информаци яц цунах лаьцна.
Кубанерчу 93.ru гIирсо хаамбира Къилберчу тIеман гонашкара тIеман-медицинан урхаллин эпсар 32 шо долу Стахирюк Владимир валарх – Кущевская станицера вара иза, вийна лахьан-беттан 20-чохь.
ГIалмакхойчуьра Малодербетовскан кIоштара ЗургIан эвлара лакхара лейтенант Бембеев Юрий валарх хаамбира кIоштан администрацина тIетевжина "Кавказский узел" Iирсо.
Бембеевн 38 шо дара, гадужу-беттан 2-чохь велла иза.
- Карарчу хенахь Кавказ.Реалиина хууш ду Украинехь Къилбера а, Къилбаседа Кавказера а 1657 эскархо валарх. Царех лаьцна хиина зорбанан гIирсашкахь бечу хаамашца а, Iедалхойн дIахьедаршца а, бакъоларйархойн хаамашца а, редакцин шайн хьасташкахула а. Билггал долу терахьаш кхин а лакхара хила тарло.
- "Оьрсийн Би-би-си сервисо" а, "Медиазоно" а динчу зерашца, лахьан-беттан 25-хь долчу хьолаца, Украинехь кхелхинчу 9311 оьрсийн эскархочух лаьцна хиина. "Би-би-си-н" зерашца, меттигерчу администрацийн а, зорбанийн а хаамаш кешнашкахь дIабоьхкинчу нахаца буьстича, билггал хууш долчу эшамашкахь беллачийн цIерш 40-60% кIезга хила тарло, баккъала а Оьрсийчохь дIабоьхкиначул а.
- Оьрсийчоьнан тIеман министралло шозза гIараяьккхира эшамех лаьцна информаци: Зазадоккху-беттан 2-хь дуьйцура 498 стеган кхалхарх, Зазадоккху-беттан 25-хь – 1 351 стеган. Гезгамашин-беттан 21-чохь тIеман министро Шойгу Сергейс дIахьедира, 5937 стаг ву велларг аьлла. Украинхойн агIоно чIагIдо, оьрсийн эскаршна хилла эшамаш кхин а лакхара бу бохуш.
- Охан-беттан 20-хь хиира, Оьрсийчоьнан тIеман министралло Украинехь кхелхинчу эскархойн гергарчу нахах лаьцна хаамаш къайладахьа сацам бина хилар. Мангал-беттан 6-чохь "Городские порталы Shkulev Media Holding" машанаша вовшахтоьхна беллачех тептарера хаамаш пачхьалкхан къайленна юкъара бу, уьш баржорна бехктакхаман жоьпалла тIедожадо, нагахь санна, уьш йиллинчу хьасташкара схьаэцнехь а аьлла, тIечIагIдира Калининградехь кхело. Цул тIаьхьа цхьа могIа регионалан хаамийн гIирсаша, хьалхо шайн тептарш хIитточара, дIадехира уьш.
- Нальчик гIалин кхело мангал-беттан 17-чохь сацамбира, Украинерчу тIамехь байинчу Оьрсийчоьнан эскархойх хаамаш баржон украинхойн Оnline.ua хаамйин агIо дIакъовлуш сацамбарх.
- Лахьан-беттан 28-гIа де – Украинерчу тIеман 278-гIа де ду. Оьрсийчоьно юха а тохарш дина Херсонна а, ишта Курахово гIалина а. Белларш бу. Оьрсийн хаамийн гIирсаша яздо Донецкана а, Белгородскан кIоштара Шебектино Iгалина а тохарш дарх. ТIом болийчхьана ханна Европехь тховкIело йехна 4,7 миллион украинхочо- цунах лаьцна хаамбина мухIажарийн гIуллакхаш луьстучу ООН-н лакхарчу комиссаран Урхалло.