РУБРИКАШ

ЦIеххьана кхаьчна хаам!

Димаева Лиза

Автор Димаева Лиза

Товбеца-бутт 22, 2015
Майра журналист Исмаилова Хадиджа!

Дуьнено тидаме эцна, тергонехь латтодо дахначу шеран ГIуран-баттахь дуьйна лаьцна Азербайджанан журналист, бакъоларъярхо, Маршо Радион корреспондент Исмаилова Хадиджа набахтехь кхабар. Иза лацаран бахьанех а, шех журналистах а лаьцна артикл кечйина Маршо Радион корреспондента Рекнагел Чарлза.
Товбеца-бутт 10, 2015
Iеламнах шен гурашка лоьцу Нохчийчоьнан муфтиято

Юкъараллера жигархой а санна, Iеламнах а бу Нохчийчуьрчу Iедалан тергонехь. Церан доладархьама, рогIера кхеташо дIаяьхьина мехкан куьйгалхоший, муфтиятой. ХIинцачул тIаьхьа хьаькамашна а ца хууш, ша-шеггара Малхбале дин Iамо вахалур вац цхьа а нохчо.
Товбеца-бутт 09, 2015
Хиндерг къаьстаде еза буьйса - Лайлатул-Къадр

Мархийн беттан 27-чу буьйсанах Лайлатул-Къадр буьйса олу. И буьйса уггаре еза ларалуш ю Рамаданехь. Оцу буьйсанан йозаллах лаьцна Къуран девзачу Iеламстага дуьйцу.
Товбеца-бутт 07, 2015
Доккхачу кисано бен ца босту Шенгене некъ

Оьрсийчохь лелачу бозбуанчаллех цхьа а цец ца волу вайн заманахь. Леладо уьш туризмехь а, къаьсттина аьхка – нахана кхечу пачхьалкхашка хьажа-хIитта боьлхуш оьшу визанаш йохкарехь. Кху деношкахь Нохчийчохь кхеле озийна иштачу турагенствон цхьа белхахо.
Товбеца-бутт 06, 2015
ДАIИШ-о тидаме эцна Оьрсийчоь

"Исламан Пачхьалкх" тобано алсамъяьккхина бусулбанаш шен могIаршка кхойкхуш интернетехула яржаен шен пропаганда. Оьрсийн маттахь а ю цуьнан сайташ. Цара кест-кеста чIагIдо, Кавказе хьовха, Кремле а кхачор бу шаьш джихIадан болам, олий.
Товбеца-бутт 05, 2015
Адвокат - бакъонан накъост я суьдхочун мостагI?

Кхелашкахь бакъ а бой, бехк бацарна суьдхоша паргIатбохучу нехан чот ца кхочу 1 проценте а. Оьрсийчоьно шен набахтешкахь бехк а боцуш кхобу эзарнаш тутмакхаш. Лаьттачу хьоло гайтарехь, адвокат оьшуш хьал а дац...
Товбеца-бутт 05, 2015
Хьафизаш хилар дика ду, ... ткъа хьан кхобур ду къам?

Шо шаре мел долу шорлуш, чIагIлуш ду Нохчийчохь ийман, бесташ бу Iилма Iамо луучийн могIарш. Ийман чIагIдан, Iилма Iамо мел оьшу хьелаш кхоьллина Нохчийчоьнан куьйгалхочо Кадыров Рамзана. Иштта дуьйцу махкарчу зорбанан хаамаша.
Мангал-бутт 24, 2015
Токхе ду вайнехан даарш

Ца хеддаш хьоьгучу къино дахчадечу дегIана аьхна, ехха токхо латтош кхоьллина вайнаха шайн кхача.
Мангал-бутт 19, 2015
Зударий а белхош кхиочу демографино ирсе дой-те къам?

Деношкахь "Интерфакс" агенталлаца къамелдеш Нохчийчоьнан куьйгалхочо Кадыров Рамзана юха а хьахийра шен махкахь божаршка шиъ я кхоъ зуда ялор хила торуш а, къобалдеш хIума а ду, аьлла.
Мангал-бутт 18, 2015
Шайн къам цхьаьнаэйта некъаш лоьху адыгаша

Хьалха Кавказан къаьмнашна автономеш йохкуш кхаа махке бекъна адыгаш дикка хан ю шайн абат хIотто гIерта. Цхьаболучарна бакъахаьа хета кириллицин бухатIехь, вукху декъана тов латиницехь хIоттор.
Мангал-бутт 17, 2015
Бусулбанех хилла керстанаш дуккха а бу Кавказехь

Оьрсийн хаамийн гIирсаша чIагIдо Къилбаседа Кавказехь кхуьуш ю тайп-тайпана керста динан гаранийн тобанаш, бохуш. Хьалхарчу могIаршкахь билгалйоху зорбанехь Дагестан, Нохчийчоь, Кхарачой-Чергизийчоь, Адыгей.
Мангал-бутт 17, 2015
Саакашвили Михаилан хьалхарчу гIулчех баккхийбе украинахой

Гуьржийчохь президент лаьттина Саакашвили Михаил Одесса кIоштан губернатор хIоттор кеп-кепара туьду Украинехь дуккхаъчу политикаша. Амма цо шена президента Порошенко Петрос тешийначу даржехь хIинцале а болийна бан бIаьрла хийцамаш.
Мангал-бутт 15, 2015
Эххар а меттахIоьтти нохчийн рузма

Шераш дара нохчашлахь беттанийн цIерш - рузма - шайн маттахь хила еза боху къамелаш лела а, оцу тIехь говзанчаша болх бо а. Бакъду, Маршо Радионо-м хьалххе юкъа а яьккхина, лелош ю нохчийн шира рузма.
Мангал-бутт 14, 2015
Вайна, йижаршна, юкъахь аьлча...

Нохчийн къомо шен иллешкахь дезачу дешнашца язъеш хилла зуда – доьзалан гIарол, кхерчан нана. Мила ю иза тахана юкъараллана, иза муха Iалашйо, хIун ду цуьнан карахь?
Мангал-бутт 10, 2015
"Исламан Пачхьалкх" схьакхачаре хьоьжу тхо!"

«Исламан Пачхьалкх», оха ларйо хьо тхаьш долчохь!» «Ал-БагIдади Абу-Бакър, хьан деза эскарш чукхачаре сатуьйсу кху гIалано!» Иштта ду «Исламан Пачхьалкх» тобан баьччане дахьийтина кехат.
Мангал-бутт 09, 2015
Сатохалахь, Руслан!

Аьхкенан Iуьйре хаза яра. РагIун кIелахь тIо боккху машен хьийзош йолчу ненан аз дара хезаш. Юкъа-кара, ела а луш, цхьаъ дуьйцуш яра иза, шура чекхъяккха баьхкинчу луларчу зударшна. ХIун дуьйцу ца къастара, амма ненан аз мерза дара.
Стигалкъекъа-бутт 29, 2015
Шайн мехкан сий къуьйсучу нохчех дозалла до украинахоша

Биъ бутт хьалха Украинехьа тIемаш бечу Дудаев цIарахчу дуьненаюкъарчу батальонан буьйранча Мунаев Iиса Донбассерчу Дебальцевохь кхалхарца лагI ца белла нохчийн герз а карахь Украинехьа латта дIаоьхучийн могIа. Цул совнаха нохчех лаьтта кхин цхьа баталоьн а кхоллаелла цигахь.
Стигалкъекъа-бутт 28, 2015
«Кавказ Имарато» шена керла амир хаьржина

Бутт хьалха вийначу «Кавказ Имарат» амиран Кебеков Iела-Асхьабан меттиг дIалаьцна Дагестанерчу Сулейманов Мохьаммада. Муха ду тахана Имаратера хьал? Мел таронаш ю цуьнан карахь Къилбаседа Кавказехь шаьш Iедалца хIинццалц латтийна къийсам кхидIа а дIабахбан? И хаттарш ду тахана лелаш.
Стигалкъекъа-бутт 27, 2015
Хиллачух цецъяьлла "Цхьааллин Оьрсийчоь"

ТIаьххьарчу шерашкахь цкъа а лайна боцу эшам лан безна деношкахь «Оьрсийчоьнан Цхьаалла» партин. Толам боцуш йисина иза Калининградан кIоштарчу Балтийск гIалин харжамашкахь.
Стигалкъекъа-бутт 26, 2015
Аьшпашна дуьхьаллаьтта волонтераш

Украинаца Донбассехь сепаратисташа бечу тIамна аьтто беш хьийза церан шайн а, Оьрсийчоьнан а зорбан гIирсаш, социалан машанашка гулъелла тобанаш. Доцург даржадеш арахоьцучу суртех, я къамелех тахана «фейк» олу. Амма аьшпех шуьйрра пайдаэцар дуьххьара дац.

Хьажа кхин дIа а

XS

SM

MD

LG