Сталинна дуьхьал Путине яздина кехат

Шинаридийнахь Сталин Иосиф валар дагалаца Кремлна гергахь, баьччан коша тIе зезагаш дахка гулвеллера масех бIе стаг, коьртехь коммунисташ а болуш. Сталинна хIоттийначу хIолламна гонах акци баьхкинера ишта, иза вазван дуьхьал болу нах а цхьана. "Декоммунизация" олучу проектан жигархочо Сталинан хIолламна тIе кагдина зезаг а кхусуш, мохь тухуш элира: "Жоьжахатехь вага, халкъан чалтач, зударий а, бераш а дайинарг!" Ткъа Сталина репрессеш йинчеран тIаьхьено Путине язбина кхайкхам дIабийшира гуламехь.