ГIиргIизойн Республикин президента Жээнбеков Сооронбайс дина къемел

ГIиргIизойн мехкан президента Жээнбеков Сооронбайс дIахьедар дира тахана леррина гулъеллачу Къоман Кхерамазаллин Кхеташонехь. Берриг бехк махкахь иккхинчу Iоттабаккхамах хьалха даржехь хиллачу президентана Атамбаевна тIебиллира цо. 2013-чу шарахь бехкзуламан гIуллакх тIехула хан токхуш волу тутмакх, криминалан авторитет Батукаев Iазиз харцонца набахтера араваккхар толлуш теш санна тIеозийнера Атамбаев. Лаца гIортале хьалха бехкзуламан гIуллакх диллинера цунна дуьхьал, иза бехках а цIанвина. Кхаарин суьйранна Кой-Таш эвларчу политикан хIусаман го лаьцнера спецназо, иза лаца Iалашонца. Амма экс-президентан агIончаша дуьхьало йира царна.