Wildberries-хь тIелатар динчул тIаьхьа нохчийн ницкъахой лецар

Москварчу Wildberries-н офиса хьалха герз диттинчарлахь кадыровхой хаабелла. Лецначарлахь – лаххара а кхоъ ву Нохчийчохь ницкъаллийн структурашкахь болх бина. Чичаев Iела Росгвардехь а, МВД-хь а болх бина ву, иза къизаллаш лелорна гунахь ву аьлла дIахьедира блогеро Абдурахманов Тумсос а, 1ADAT боламо а.