Оспанов Къосам. Цул диканиг сайна хилча

Оспанов Къосам. Цул диканиг сайна хилча

Оспанов Къосам

***

Ас дуьтур дара хи, туьха,
Декхараш, дехараш, дахар -
Юха а сайн цхьаннан дуьхьа
Сайн деган цIарца цIе хьаха.

Ас дуьтур дара неIсагIа,
Бар-баьчча баьккхина лазам,
Ойлано ваьккхина бIагIар,
Ца дуьтуш цхьатайпа масал.

Маршоне кхийдина тIамарш
Лийчина паналлин цинцаш,
Ас юьтур яра хан-зама,
Цул диканиг сайна хилча.

1989 шо