Ткъа тIаьххьарчу хенахь гучудуьйлучу масалша гойту вайнахалахь, къоман Iадат а талхош, нускал далочу замойша керла кепаш юкъаялош.
Кортежехь рагI къовсий, дуккха меттигаш ю кегийчара вовшийн машенаш йохош, герзаш кхуьйсуш, юьстахара нах а кхардош, маьттаза маьхьарий хьоькхуш.
Кху деношкахь Францехь бехачу нохчаша нускал далош яьккхинчу видеоно йоккха гIовгIа эккхийтина социалан машанехь.
Дац и сурт дуьххьара, дукха меттигашкара кхочу вайнах нускал далош ирча хьийзар гойтуш.
Зудаялош лелачу кепашца, цхьаболу вайнах и ламаст маьттаза доккхуш хьийзарх лаьцна хир ду кху кIиранан хаттар.
Шуна муха хета, стенна нисло зудаялош богIучу нехан новкъахь маьттаза лелар? Муха лардалур дара эрчаллах вайн къоме шен и хаза ламаст?
ХIоттийначу хаттаран хьокъехь вистхила лаам болучарна йовзуьйту тхайн телефонаш.
Прагера телефон: + 420 724 019 832
Горгали а баийтина, охьайилла а мега телефон, тхо тхаьш девр ду шуьца зΙене.
СМС яийта тарло тхан Москохарчу телефон тΙе: + 8 926 23 60 4 65.
Ватсап, Вайбер а ю тхан: + 420 724019832
Хетачух лаьцна яздан йиш ю тхан сайте а: www.radiomarsho.com.