Вестминстерерчу магистратан кхелана хьалха хIоьттина Лондонехь Бритнин салти вийна аьлла бехке веш волу Адебовале Майкл. Кхаарийн дийнахь цуьнга бехк кховдийра стаг верна а, бакъо а йоцуш, герз латторна а. Салти вуьш дакъалаьцна волу шолгIа стаг Адеболаджо Майкл, ха а деш, латтош ву Лондонерчу цхьана дарбан хIусамехь.
Кху беттан 22-чу дийнахь, арсаш а детташ, и шиъ тIелеттера Британи эскархочунна Ригби Ли-на. Дуккха а чевнаш йинчул тIаьхьа иза велла. И зулам динчу метте баьхкинчу полицин белхахоша, герз а тоьхна, чевнаш а йина, схьалецира ши зуламхо.
Ригби вер толлуш Iедалша лаьцнера кхин а 8 стаг. Царах 6 закъалтана ахча а эцана аравалийтина. Кхин а 2 дIахецна, цхьа а бехк а ца кховдош.
