КъахΙирера «Бусулба Вежарий» боламан декъашхойн гулам бохош, бΙаьргех хидоккху газ яржийна Мисарарчу полицино. Вохийначу президентан Мурсин маситта эзар агΙончаш карчамехьа болчу бахархоша маьхьаршца а, тΙулгаш кхийсарца а шайна ечу дуьхьалонца бахара Министрийн цΙенна герга. И ши тоба вовшахкъастош пайда эцна полицино газах, хаам бо меттигерчу прессано.
КъахΙиран шина майданахь лаьтта Мурси Мухьаммад президентан дарже юхавоьхучу нехан гуламаш.
