ГIирмерчу гIезалойн лидеро Джемилов Мустафас кхайкхам бина оьрсаша набахтехь латтош йолчу Украинин эскархочуьнга Савченко Надежде мацалла хьегар дитахьара аьлла. Цунна хетарехь Савченкос мацалла хьегарх цуьнах къинхетам бийр болуш дац Оьрсийчоьнан Iедалш.
Адамаллан принципаш йолу пачхьалкх яц Оьрсийчоь боху Джемиловс. 71 шо долу Джемилев Мустафа Советан пачхьалкх йолуш диссидент хилла ву. 20 шо даьккхина цо набахташкахь.
