CNN телекомпанина интервью луш Туркойчоьнан президенто ЭрдохIана Реджепа дIахьедар дина, шаьш агрессин акт лорур ю, нагахь Шеман хIаваэхь долу туркойн кема чудаийтахь, Оьрсийчоьнан зенитан ракетан комплексах пайда а оьцуш аьлла.
Туркойн куьйгалхочо иштта билгалдаьккхира, цу тайпа хIума хила мегаш хилар. Нагахь и тайпаниг нислахь, шаьш дIацатоьттуш дан дезарг дийра ду элира цо. Амма ЭрдохIана билгалцадаьккхира шаьш дан леринарг.
Туркойчоьнан президенто юха а дIахьедар дина шаьш лууш дац цу регионера хьал кхин а карзах даьккха аьлла. Иза чолхе даларна бехке бу элира цо Шеман президентан Асад Башарана тIехIиттина берш аьлла.
Хьалхо Туркойчоьнан президенто дIахьедар дира, шаьш цхьа а къинтIера воккхур вац, шайн хIаваан доза дохийна долу кема шаьш чудаийтарна аьлла. Шаьш кIинтIера даха дезарг ю важа агIо, шаьш дац бохуш вара иза.
Туркойчоьно шаьш къинтIера дахаре ладоьгIуш ву Оьрсийчоьнан президент Путин Владмир.
