75 шо долу нохчийн халкъан иллиалархо Дагаев Валид кхелхина еарийдийнахь. Жимчохь дуьйнна бIаьрса дайначу, гоьваьллачу иллиалархочо ша дечиг пондарца тIаьхьа мукъам балош дIаолура шен иллеш.
Масех маттахь дара цуьнан иллеш: нохчийн, казахийн, гIумкийн, гIиргIазойн. Дагаевн иллеш Даймахках, шен къоман сингаттамех, ненах, безамах, доттагIаллех дара. 1940-чу шарахь дуьненчу ваьлла Дагаев Валид. Доллу къам махках доккхучу заманчохь 4 шо долуш хиллачу Дагаевс лайна депортацин шераш.
