Алеппон малхбалерчу кIошташкахь бехачу нахана сихонца гуманитаран гIо оьшу, аьлла ду кхаарин дийнахь Берлинехь довзийтинчу Германин а, Британин а, Iамеркан а, Францин а, Италин а, Канадин а лидерийн дIахьедарехь.
Царна хетарехь, Шеман Iедал реза хила деза Цхьаьнакхеттачу Къаьмнийн Вовшахтохаралло кечйина леррина деа декъах лаьтта план тIеэца.
Цу 6 пачхьалкхан лидерша кхайхкам бина Цхьаьнакхеттачу Къаьмнийн Вовшахтохаралле Алеппохь тIеман зуламаш дарх лаьцна тоьшаллаш гулде, уьш дина нах кхеле озор Iалашонца аьлла.
