Эзарнаш Варшаван бахархоша тIараш детташ тIеийцира Красинских майданахь Полшин бахархошка кхайкхам беш вистхилла Iамеркан президент Трамп Донад. Цу махкахь иза дакъалоцуш вара гонахарчу Кхаа хIордан" олучу саммитехь.Оцу тобан юкъахь ю Адриатикан а, Балтин а, Iаьржан а хIордашна гонах Iуьллу 12 пачхьалкх, шайна юкъахь Полша, Австри, Венгри, Латви, Эстони а йолуш.
Полшин махкахошка къамел деш Трампа дагаяийтира цу мехкан истори, цуьнан маршонехьа хилла къийсам.
Iамеркан президенто дIахьедар дира НАТО-н бертан 5-чу артикло ма боххура цхьана декъашхочун тIелатар ерриг а тIеман альянсана тIелатар лоруш хилар лардийр ду Iамерко аьлла. Иза хаза лууш а бара цуьнгара Полшин бахархой.
Трампа кхайкхам бира Оьрсийчоьне Украинера а, кхечу луларчу пачхьалкхашкара а хьал карзахдаккха гIертар сацаде аьлла.
