Нуьцкъала болх бойтуш бертаза латтош хилла ши стаг маьршаваьккхина Нохчийчохь аьлла, хаам бина «Комсомольская правда» газето. Царах "лай" олу цу зорбанан гIирсо.
Газето бинчу хаамца, Астраханера Валерий а, Олег а цIе йолу ши стаг латтош хилла нуьцкъала Нохчийчохь Эвтарана гергарчу цхьана кошарехь.
«Лайша» телефонехула гIо дехна «Алтернатива» олучу юкъараллан жигархошка, шаьш латточу Амрутдех шаьш чIогIа кхоьруш хилар а хоуьйтуш.
Волонтираш Нохчийчу а бахана лай маьршабаьхна, Амрутди фермехь воцу хан а ларйина. Соьлж-ГIалахь царна цIена духар а эцна, цара таксица дIахьовсийна уьш Астрахане.
