Вуно довха денош лаьтта Нохчийчохь. И бахьана долуш цIераш йовларна кхерам бу аьлла хета Нохчийчуьрчу орцаллан министраллан белхахошна. Цара дийцарехь, Товбеца-беттан 25-гIа де дIадерззалц Соьлжан а, Невран а, Теркайистан а, Шелковскойн а кIошташкахь раж кхайкхийна цIераш йовларна кхерам бу аьлла.
ХенахIоттаман говзанчаша дийцарехь, гергарчу дийнахь-бусий Нохчийчоьнан къилбан а, малхбален а кIошташкахь, ша а тухуш, даккхий догIанаш дан мега.
МЧС Нохчийчуьрчу урхаллан белхахоша дIахьедар дина шаьш кийча ду аьлла, оьшуш меттиг нислахь бахархошна гIо дан.
