Нохчийчуьрчу тIекIелдинчу цIийнан 4-чу гIат тIерчу петаран корах ара а ваьлла, гIишлон пена юкъарчу дукъох тасавелла 8-10 шо долу жима кIант шина стага кIелхьарвоккхуш, социалан машанашкахь яьржинчу видеон хьокъехь талламаш болийна мехкан прокуратурано.
"Зен доцуш кIелхьарваьккхинчу оцу кIентан гIуллакх талла долийна. Видео тIехь гуш ду, пена юккъехула араяьллачу турбанах кхозу кIант шина стага, цхьаъ полисхочун барзакъ доьхна ву, кIелхьарвоккхуш", - аьлла, хаамбина инстаграмерчу шайн агIон тIехь прокуратурано.
Уьш къасто дагахь бу, мича бахьанашца гIишлон фасад тIехь нисвелла и кIант, ишта цуьнан дас-нанас шайн декхарш кхочушдарх мах хадо а.
