Шина кIиранна пачхаьлкхан дерриг а дозанаш дIакъовла сацамбина Гуьржийчоьно. Зазадоккху-беттан 18-чохь, 00:00 хан йолуш юкъаболу и сацам. Оцу хьокъехь дIахьедина министрийн кабинетан куьйгалхочун пресс-спикеро Чиковани Ираклийс.
Iедало шен кхеташонехь сацамбина махкара гIо-салазийн курорташ а дIакъовла. Иза дозу Чехера а, Словакера а баьхкинчу спортхошна Гудаури гIалахь коронавирус кхетарца.
Кафешна а, ресторанашна а болх сацор, ткъа 70 шарал сов хан йолчу бахархошна нах гуллучу меттигашка цабийлар хьоьху Гуьржийчуьрчу Iедало.
- 33 стаг ву Гуьржийчохь коронавирусан керла ун кхетта.
