ТIеман тасадаларехь цхьа полисхо а велла. Кхечу хьасташца – вийнарг ши полисхо ву. Кхаарин дийнахь йолаелла йолу тIеман операци хIинца а чекх ялаза ю.
Цкъачунна цхьа а аьтто бац и хаам билггал тIечIагIбан я керстбан.
Хьалхуо Кадыровс дIахьедар динера ГакаевгIар болу меттиг йийцинчунна 10 миллион сом лур ду, аьлла.
Кадыров Iачу Хоси-юьртана 2010-чу шарахь тIелатар динарш ГакаевгIар лоруш бу. ХIетахь 7 стаг вийра, 24-нна чевнаш йинера.
2009-чу шарахь Гакаев Муслима Маршо Радиона еллачу интервьюга ладогIа аьтто бу шун бухахь:
