Курхаллина дуьхьало лелоран таханлерчу низамна хийцамаш а деш, республикан парламенто тIеэцначу низамна кIел куьйг яздина Нохчийчоьнан куьйгалхочо Кадыров Рамзана. Республикера пачхьалкхан а, муниципалан а белхахой хIинца дийца декхаре бу, муьлхачу ахчанех оьцу биткоинаш а, кхиндолу криптовалюта а.
ТIеэцначу низамо № 36-P3 "Нохчийн Республикехь курхалла лелорна дуьхьало" олучу низаман 8.1-чу артиклан, 4-гIа дакъа шордо. ТIейогIучу хенара декларацешкахь нохчийн хьаькамийн дийца дезар ду "латан дакъа, хIусам, транспорт, мехала кехаташ, терахьийн финансийн активаш, терахьийн валюта а оьцуш кховдийна ахчан даьлла меттиг".
2022-чу шеран Охан-баттахь иштта тIетохар дира "Курхаллина духьало латтор" федералан низамна.
- Хьалхо хаам бора, гIалгIайн бусулбачу нехан хьукмато дихкина бусулбачу наханна криптовалюта лело.
- Криптовалюта даккхарх майнинг олу. Цуьнан арахецар цхьамма а лардеш ца хиларна, биткоинаш а, кхинйолу криптовалюта а яккха аьтто бу муьлхачунна а. Майнерша шайн гIирсийн чIагIаллех пайда эца аьтто ло транзакцийн машанийн болх латторхьама, цунна дуьхьала ял кхочу царна криптовалютехь. Цара доккхачу декъанна дойу ахча – иза беза гIирс эцар а, тоьках ахча дIадалар а.
