Оьрсийчоьнан Талламан комитетан ГIалгIайчуьрчу урхаллан Несаран гIалан декъо бехктакхаман гIуллакх долийна 34-тта шо долчу меттигерчу вахархочунна дуьхьал. Цуьнан цIе йоккхуш яц.
Болчу хаамца, иза бехкевеш ву "федералан низмашца хила йиш йоцчу тIеман тобанна юкъахь леларна", хаам бу ГIалгIайчуьрчу Талламан комитетан урхаллин сайта тIехь.
Талламхоша дийцарехь, бехкевийриг Шема вахна хилла Охан-беттахь 2015-чу шарахь. Цигахь иза дIакхетта оцу мехкан президентана Асад Башарна дуьхьал йолчу оппозицин тIеман тобанах. Карарчу хенахь а ву иза, боху талламхоша, Шеман армин дакъошна дуьхьал тIом беш.
