Your browser doesn’t support HTML5
Дикаев Мохьмад. Нохчийн хIусам.
Дикаев Мохьмад
НОХЧИЙН ХIУСАМ
Суьйре шийла, шийла еъча
Дадас тухий дечиг доккху;
Цкъа ца веана хьаша веъча,
Водий, нене ас кхаъ боккху.
Хьешо шена гинарг дуьйцу –
Тховса тхоьга муха кхаьчна,
ЦIаро-м сийна суйнаш туьйсу,
Кхехка нохчийн мерза кхача.
«BoгIypг, воьдург, юучух кхетта,
Вахар ирс ду», – дайша аьлла,
Нохчийн хIусам шийла хетта,
Цхьа а хьаша тIех ца ваьлла.