РУБРИКАШ

ЦIеххьана кхаьчна хаам!

Азимова Сийлаха

Автор Азимова Сийлаха

ГIадужу-бутт 26, 2013
Немцойн кацлеран Меркел Ангелин телефонан къамелашка ладугIуш хилла Iамеркан къайлаха сервисахой

Iамеркахойн хаамийн гIирсаш Сноуден Эдварда кесталгIа Iамеркерачу къайлахчу сервисийн кхин а дукхох къайленаш гучуйохур йолуш ю, бохуш, хаамаш баржош бу. Цара дийцарехь, Iамеркахоша Оьрсийчоьнний, Китайний дуьхьал беш болчу белхашца йоьзна хир ю и къайленаш.
ГIадужу-бутт 22, 2013
Лубутинан мачанех пайда ца эцабелла, исламана дуьхьал йолчу Белгера партега

Вевзаш волчу дизайнеро Лубутин Кристиана кхеле беллера исламца гамо йолчу Белгера партин декъашхой, шен мачех цара, бусулба дин емал деш, пайда эцна аьлла. ХIинца кхело иза бакъ хилар тIечIагIдина.
ГIадужу-бутт 21, 2013
ГIурба даздира Венера нохчийн зударша

ХIора шарахь бусулба дезденош чекхдевллачуьл тIаьхьа вовшахкхеташ Iадат ду Венерчу нохчийн хьуьжарехь доьшуш болчу зударийн а, церан берийн а. Иттанаш дешархой, шайна юккъехь кегий бераш а, къанбелла зударий а болш, марзо эца гулбеллера кIирандийнахь а.
ГIадужу-бутт 18, 2013
МухIажиршна дегайовхо елла Европарламентан спикеро

Баланаш шаьш ловчу даймехкашкара бевдда, Европе кхача гΙертачу мухΙажирех бΙеннаш ле шайн халачу новкъахь хΙора а шарахь. Европе кхочу некъаш оццул кхераме хилар харцо ю аьлла дийца даьккхина политикаша, царех цхьаъ ву ша Европарламентан куьйгалхо Шульц Мартин.
ГIадужу-бутт 16, 2013
Европера вайнах а бу ГIурба даздеш

Цхьаццайолчу Европерчу пачхьалкхашкахь бехачу бусулбанийн бакъо ю шайн дезденошкахь балхара а, дешарера а мукъабовла. Ишттачех ю Австри а.
ГIадужу-бутт 08, 2013
Кремлан амбицеш Iабайо Сочерчу барамо

Оьрсийн Iедалша хаамийн гIирсашна тIехь терго муха латтайо гойтуш таллам дIабаьхьнера Дуьненаюкъарчу „ Дозанаш доцу Репортераш “ цхьанакхетаралло. Шарахь гергга тергалйинера юкъархоша Оьрсийчоьнан Iедалан журналисташца йолу юкъаметтигаш. ХIинца Берлинехь шайн талламийн жамIаш довзийтина цара.
ГIадужу-бутт 07, 2013
Дуьнено сийдо Политковская Аннин

Берлинерчу филармонехь Анна Политковская йийна де дагалоцуш концерт елира дуьненна а бевзаш болчу мукъамчаша, композиторша. И вовшахтоьхнарг вара Латвера орамаш болу дирижер а, Iад хьокху пондаран тоьлла говзанча а лорш волу Кремер Гидон.
Гезгмашин-бутт 26, 2013
Дуьххьара бусулба зуда кхаьчна Бундестаге

Даханчу мукъаденошкахь хаьржинчу немцойн парламентан декъашхошна юкъахь масех бусулба депутат ву. Бакъду, дуьххьара ю царна юккъехь Iедалехь йолчу керста-демократин партин кандидат хилла бусулба зуда - Семиль Юсуф. Цо шена тамаше ца хета, ша "керста" цIе йолчу партин декъашхо хилар, шен партино Германехь бусулбанийн аьттонаш шорбина, боху.
Гезгмашин-бутт 24, 2013
Магомадов Русланан "ЦIа" тайна дуьненна

Кху деношкахь Австрин шахьарахь Венехь дIаяьхьира дуьненаюкъара кинофестиваль. Цигахь дакъалоцуш хиллачу нохчийн режиссеран Магомадов Русланан „ЦIа“ фильмо хьовсархойн совгIат даьккхина.
Гезгмашин-бутт 23, 2013
Меркел Ангела - керла шира канцлер

КIирандийнахь Германехь дIабаьхьначу харжамашкахь юха а толам баьккхина Меркель Ангелас куьйгалла дечу Керста -Демократин партино. Цундела кхидIа а Меркель юьсур ю немцойн канцлер.
Гезгмашин-бутт 18, 2013
"Лондонградерчу" оьрсийн дахар гойтур ду Британин телеканало

Оьрсийн богIуш бу боху“ дешнаш хезча Европахойн самукъадолуш хилла хенаш, хетарехь, тоххара дIаевлла. ХIинца ахча долу оьрсий, чам ца хиларца а, шайгара таронаш нахана гайта г1ертарца а, сонталлийца бузу Малхбузехь. Цу кепарчу „керлачу оьрсех“ лаьцна документалан сериал яьккхина Британехь.
Гезгмашин-бутт 12, 2013
Машенийн ярмарка схьайиллина Франкфуртехь

МайнтIерачу Франкфуртехь дуьнентIехь уггаре а яккхийчех машенийн салон схьаеллаелла еарий дийнахь. Кху шарахь 65-лагIа дIаболош бу цуо шен болх, тIаьхьарчу цхьана шарахь доллучу дуьнентIехь кхоьллина йолу керл-керла машенаш хьовсархошна йовзуьйтуш болу.
Гезгмашин-бутт 11, 2013
Башха мэр ца хаьржина Собянин

Цхьанатоьхначу Штаташкара Freedom House цIе йолчу адамийн бакъонашларъяран юкъаралло кхайкхам бина Оьрсийчоьне, Москохан гIалин да хоржуш тIехсов кхачамбацарш гучудийлар бахьана долуш, цу харжамийн официалан жамIаш хIинцехь тIе ма чIагIдахьара, аьлла.
Гезгмашин-бутт 10, 2013
Дуьненаюкъаралле шен химин герзаш дIадала реза хилла Шема

Оршот дийнахь Оьрсийчоьнан арахьарчу гIуллакхийн министро Лавров Сергейс дIахьедар дира, шаьш Шемин Iедалийца дийцаре деш ду, цу пачхьалкхено шегара дIаьвше герзаш Цхьанакхеттачу къаьмнийн олалла кIела дIадалар, аьлла. Iамеркера Iедал цкъачунна мелла а цатешамца цу боламе хьежахь а, резахиларца тIеэцна иза Европехь.
Гезгмашин-бутт 09, 2013
Европано тIе ца лаьцна нохчий - нохчийн Iедалан пропагандин дакъа

Лахлуш дац Европехь тховкIело лоьхуш, махках буьйлучу нохчийн терахь. Германехь а, Австрехь а, Францехь а вайнехан мухIажарех юьзна ю бевдда баьхкинарш тIеоьцу лагерш. Амма нисло иштта, Европе дIабахнарш цIехьа боьрзуш а, шайн лаамца, я лаамаза. Царех цхьаберш, цул тIаьхьа Нохчийчуьрчу Iедалийн пропагандийн белхашкахь дакъалоцуш хуьлу, шаьш Европехула лелийнарг емал а деш.
Марсхьокху-бутт 31, 2013
Европера дуккха а тIемалой бу Шемахь Асадана дуьхьал тIом беш

Цхьана агIор, Шемин куьйгалхочунна Башар Асадана дуьхьал ю Малхбузенера пачхьалкъаш. Вукху агIор амма, шайн бахархой Асадна дуьхьал тIом бечу тобанех дIа а бетталуш, цигарчу гIаттамехь дакъалацар чIогIа ца деза царна.
Марсхьокху-бутт 27, 2013
Дуьненаюкъара ницкъаш Шема чугIортарна дуьхьал ю Германи

Хаамийн гIирсаша дийцарехь, гергарчу хенахь Малхбузера эскарш тIамца чугIорта сахьт дац Шема, цигарчу Iедалша дIаьвше герзашца меттигера бахархой бойъуш бу бохучу бахьанийца. Амма Германера лаккхара куьйгалхой дуьхьал бу цу кепарчу Iалашонашна.
Марсхьокху-бутт 22, 2013
ЙоI ю, кIант ву? ХIан-хIа... кхоалгIаниг

Цивилизацин кхиамаш тайп-тайпана хуьлу. Амма наггахь цара дагахь а доцучу агIора голатухуш нисло. Масала, хIинцачул цхьа ах бIе шо хьалха цхьанна а коьртачу а догIур доцу хIума долийна Германехь адамийн бакъонаш ларъяр ша-башха кхетачу жигархоша. Цигахь хIинца дуьйна дай-нанойн аьтто хир бу, шайн бер я боьрша а, я стен а доцуш дIаяздайта.
Марсхьокху-бутт 20, 2013
ЦIера лаьхкина, арахь барт бац

Тайп-тайпанчу хьостанашкарчу хаамашца, 300 эзар стаге кхаьчча Европехь бехачу нохчийн терахь. ТIаьхьарчу хенахь и терахь кхин а алсам долуш ду. Амма и нах, дукхахьолехь, бекъабелла, тайп-тайпанчу кегийчу тобанашца беха, цхьа а юкъара верасалла доцуш.
Марсхьокху-бутт 19, 2013
Германина хьаьхна нохчий

Кху деношкахь Iамеркерачу Къоман Кхерамазаллин Агенталло рогIера хаам баьржина, Германехь тIелатарш дан там бу радикалан исламхоша, аьлла. И коста, карарчу хенахь немцойн хаамийн гIирсаша Къилбаседа Кавказерчу Имарат Кавказ цхьанакхетараллин жигархой Германехь баьржаш бу боху артиклаш яржорца цхьанадеъна.

Хьажа кхин дIа а

XS

SM

MD

LG