РУБРИКАШ

ЦIеххьана кхаьчна хаам!

Азимова Сийлаха

Автор Азимова Сийлаха

Товбеца-бутт 31, 2013
Оьрсийн хьоладайша шайн эрна ахчанашца лакхабаьхна Европера мехаш

Советан пачхьалкхан набахте йоха а йоьхна, дуьненан мичча маьIIе ваха а, ван а маршо Оьрсийчоьнан бахархошна яьлчахьана, таронечу оьрсийн совдегарша Iадат лаьцна, Европехь садоIа а, сакъера а. ТIаьхьарчу хенахь царех уггаре а даккхий ахчанаш дерш, Европерачу тийначу лаьцнашка баха дIаоьхуш а бу.
Товбеца-бутт 30, 2013
Оьрсийн стоьладайшна "атта" визанаш лур яц Германино

Дукха хан йоцуш Оьрсийчоьнан арахьарчу гIуллакхийн министраллин боккха кхиам санна дийцаре деш дара, Цхьанакхеттачу Европин куьйгаллийца Оьрсийчурчу хьукматхошна визанаш йоцуш дIасалелар аттачу даккха барт хилла, бохуш. Амма хIинца немцойн Iедалера кхаьчначу сацамца, и хазахетар дукха сихделла хилла: Германин куьйгалла дуьхьал ю адамийн бакъонаш хьоьшучу Оьрсийчоьнан хьукматхой маьрша дIасалелийтарна.
Товбеца-бутт 27, 2013
МухIажирш бац, йохк-эцархой бу

Европехь шарахь массийтаза мехаш охьа а дохий, туьканашкара хIума йорахох дIаюхкуш Iедал ду цу туьканийн дайн. ХIинцалца схьа доллучу дуьнентIера, Нохчийчоь дIаяьккхичахьана, нах оьхура цу муьрехь шайна мехах тIеюхург эца. Амма хIинца эххар а вайнехан а жим-жима аьтто болуш бу, цу кепарчу шоп-турашка Европе эха, бохуш, дуьйцу Азимова Сийлахас шен материалехь.
Товбеца-бутт 25, 2013
"Синан гураш" карош дац Оьрсийчохь

Оьрсийчоьнан президенто цкъа мацах хьахийна хилла йолу къоман барт чIагIбо синан гураш хIинца гуттара чIогIа юхьаралаьцна ю Оьрсийчохь. Ткъа Малхбузерачу пачхьалкхашкахь хIун ю те къоман цхьааалла латтош ерг?
Товбеца-бутт 24, 2013
Керла нацисташ таллар долийна Германехь

Визенталь Симонан цIе лелочу нацийн заманахьлера зуламхой лоьхучу Центро керла болам кхайкхийна Германехь, дийна бисина болу талорхой лаха а, царна тIехь кхел ян Iалашонца. Немцойн яккхийчу гIаланийн урамашкахь плакаташ леторца, цуо кхойкху юкъаралле, и нах лохуш гIо дахьара, бохуш.
Товбеца-бутт 16, 2013
Сноуден Эдварда сема хила декхаре во массо а

Ιамеркан леринчу ницкъашкара къайленаш дуьненна а йовзуьйтуш веддачу, хΙинца Москох, «Шереметьево» аэропортах хΙусам а йина, лечкъинчу Сноуден Эдварда гΙаттийна дуьненаюкъара скандал ерзанза ю. Европерчу мехкаша къаьсттина декхаре йо Ιаьмеркан Цхьаьнатоьхна Штаташ цо стенна ладоьгΙу нехан телефонашка бохучу хатарна жоп дала. Сноудена Ιедалш шекдаьхна ца Ιаш, могΙара бахархой а сема хила декхаре бина.
Товбеца-бутт 15, 2013
Керста президенташа ларам бо Рамаданан

Бусулбанийн мархийн бутт тΙекхаьчча, цхьа халла, эхь а хеташ, дикачу агΙор бусулба дин хьахош нисло Кремло. Ткъа иза наггахь бен нислуш доцург ду. Амма кхин сурт го оцу баттахь Европерчу Iедалшкахь.
Мангал-бутт 26, 2013
Шемара тIом, нохчийн... керла тIом

Масех кIира хьалха бусулба шейхаш Шемахь дIадоьдуш джихад ду, цигахь дакъалаца массо а бусулба декхарийлахь а ву, аьлла, фатва арахецча дуьйна схьа лакхадаьлла Шеме тIаме оьхучу бIаьхойн терахь. Европехь бехачу нохчийн мухIажарийн доьзалшкара кегий нах а бу царна юккъехь.
Мангал-бутт 22, 2013
Мехкаршна тIе куьйгаш кхоьхьу Кадыровн цIуьхIарша

Ца хеддаш даймахках буьйлу нохчий, сил дукха безачу шайн махках. Орцахвала кху дуьнентΙехь вац цхьа а дожал. Масала, Германи нохчех юзуш лаьттий-те аьлла бу цига тахана баьржина мухΙажирш. Царех цхьамма дуьйцу бахьана. Цо ден къамел хезча, биса а бисиний-те Нохчийчохь къонахий, къинхетам, оьздангалла, олий карзахдолу дог...
Мангал-бутт 12, 2013
ДогIанаша лаьцна Европа

Масех кIиранахь догIанаш делхар бахьана долуш дуккха даккхий хиш дистина цхьамогIа Европерчу пачхьалкхашкахь. Нагахь санна, Австри хIинца а цу хихьадаран кхераме ладоьгIуш Iаш елахь, Германи шена хиллачу зенийн мах хадош ю.
Стигалкъекъа-бутт 16, 2013
"Меркелна канцлер хlотта гlо динарг Москох ю," тов

Меркель Ангелин хьалхара дахар“ цIе йолуш киншка араяьлла Германехь. Цуьнан авторша дийцарехь, немцойн канцлер Германи вовшахкхетале коммунистийн хьежамаш болуш хилла, ткъа цуьнан канцлер хIотта кадалар Москохарчу къайлахчу сервисийн гIоьнца нисделла ду.
Стигалкъекъа-бутт 07, 2013
Неонацисташна тIехь кхел йолийна Германехь

ТIаьхьарчу пхийттехь шарахь, 2011 шеран гуьйранна шаьш лаццалца, неонацистийн тобан декъашхоша итт стаг вийнера. Царех дукхахберш туркойн къомах а бара. Цу зуламхойх шиъ, полисхойн кара ца ваха, ша шена тоьхна веллера, ткъа церан баьцца ларалуш хмилла йолу зуда, Чепе Беате, оршот дийнахь кхела хьалха хIоьттина. Азимова Сийлахас дуьйцу Нюрнбергера фашисташна тIехь кхел хиллачул тIаьхьа уггаре а гIовгIанечу немцойн кхелах лаьцна.
Стигалкъекъа-бутт 01, 2013
Бусулбанашлахь террорхой лоьху дерриг а дуьнено

Шинарий дийнахь виъ стаг лаьцна Италерачу полисхоша, „Ал-Къаидаца“ з1енехь хилла бохучу шеконашца. Ιедалхоша дийцарехь, уьш доллучу дуьнентΙехь лелхийтарш дан кечлуш хилла. Бакъду, цу Ιалашонийн тоьшаллаш ца даладо полисхоша, еккъа цхьа цу нахан интернет-машанахь Ιар шеконе даккхаррий бен.
Охан-бутт 29, 2013
Ненан меттан сийдеш вайнах а бу Германехь

Нохчийн маттана лерина суьйре дΙаяьхьна Германерчу Фирзен-гΙалахь бехачу нохчаша. Дезде санна тΙеэцна и хилам массо а дакъалацархоша. Суьйре кечйинчаьрца а, ненан маттах доглозучаьрца а къамел хилира Маршо Радион.
Охан-бутт 24, 2013
Канадехь дан кечдина хилла эккхийтар чехк ца даьлла, бусулба нах сема хилар бахьанехь

Бостонехь лелхийтарш хиллачул тIаьхьа масех де даьлча хаам баьржинера, Канадерчу Торонто гIалахь террорхой эккхийтарш дан кечдуш хилла, аьлла. ХIинца баржинчу хаамашца, и зулам дан дагахь хила тоба меттигерачу бусулбачийн семалла бахьана долуш гучуяьлла хилар. Азимова Сийлахас дуьйцу цунах лаьцна.
Охан-бутт 23, 2013
ТIехьа хьажий бен дош ма ала, хьалха хьажий бен ког ма баккха

Бостонехь терроран эккхийтарш хиллачул тIаьхьа Германехь бехачу вайнахана тIехь терго яр алсам даьккхина цу махкарчу Iедалхоша. Немцойн хаамийн гIирсаша чIагIдарехь, цигахь бехаш болу эзарнаш нохчийн мухIажарш шайна тидаме лаьцна къайлахчу сервисан белхахоша.
Охан-бутт 22, 2013
Европера пачхьалкхаш юхахьовсуш ю Нохчашка

Бостонерчу марафонехь хилла эккхийтарш а, цул тIаьхьа цу бохамна гуонахьа баьржина болу хиламаш а бахьана долуш нехан маршонаш кхин дIа а ехка там бу Малхбузенан пачхьалкхашкахь. Европехь тоххарехь хезаш ду, нахана терго еш йолу видеокамераш массо а урамашкахь охка еза боху кхайкхамаш. Цу хьелашкахь гуттар а кхерамехь а,дала орца доцуш а хета шаьш Малхбузехь бехачу вайнахана.
Охан-бутт 09, 2013
Путинца Германехьчул кIеда бацара нах Голландехь а

Европерчу шина пачхьалкхе - Германе, Голланде - вахана цΙехьавирзина Оьрсийчоьнан президент Путин Владимир. Германехь визит макхйинарг бухарчу нехан протестан гуламаш а хуьлуш, Фемен-тобанера мехкарий, берзина а буьйлуш, хьешана маьттазчу дешнашца чуидинехь, Голландехь цунна товш доцу хеттарш делира бехарчу политикаша а, журналисташа а. Шинхьарчу а бахархоша иштта гайтира шаьш Путинан политикан хадабе мах.
Охан-бутт 08, 2013
Путинна дена диттина ХIанноверехь

Шен официалан турнен декъехь Германе кхаьчначу Путин Владимирна, Оьрсийчохь Ιедал бакъоларъярхошца луьра хилар хьахош, критика йина канцлера Меркель Ангелас. Иштта Путинна аьтто боцуш яра меттигерчу а, кхечу мехкашкара баьхкинчу а демократин боламийн жигархоша хΙиттийна акцеш а.
Охан-бутт 05, 2013
Шийла ю Европехь: латош заза дац, декаш олхазар дац

Тамашийна хенан хIоттам лаьтта Европехь кху тIаьхьарчу беттанашкахь. Iаьнан уггаре а шийла хила декхар долчу хенахь тов лаьттира, ткъа хIинца, бIаьсте юккъеяьлча а, шелонаш а, гIура а дIа ца йолу. Iилманчаша глобала Iаламан хийцамийн билгалонаш лору иза, ткъа вайнаха-м „тIаьхьарчу заманан“ аматаш лору.

Хьажа кхин дIа а

XS

SM

MD

LG