РУБРИКАШ

ЦIеххьана кхаьчна хаам!

Азимова Сийлаха

Автор Азимова Сийлаха

Мангал-бутт 18, 2012
Оьрсийн фанаташ хIинца а харцхьалела Польшехь

Оьрсийчоьнан футболан бертана 30 эзар евро барамехь гIуда тоьхна Европерчу Футболан Вовшахтохараллийн Берто. ХIинца иза дина кху беттан 12-чу дийнахь Варшавехь Полшин тоба ловзуш оьрсий харцахьа лелар бахьана долуш.
Мангал-бутт 15, 2012
Нохчийн мухΙажирш Финлянде бигарна кхел йина Стурше Микаэлна

Финлянди Оьрсийчоьнца доза долуш хиларна а, ткъа иштта Европехь Нохчийчуьра бевддачарна уггаре а атта тховкIело лучу пачхьалкхех цхьаъ иза хиларна а, тIаьхьарчу шерашкахь дуккха а вайнах гулбелла Финляндехь. Царех цхьаболчарна Европе кхача г1одарна бехке вина совдегар а, адамийн бакъонаш ларъхярхо а волу меттигера вахархо Стурше Микаэль.
Мангал-бутт 13, 2012
Оьрсийн герзах а леш бу шемахой

Шема махкарчу Iедалша оппозицин тобанашца дIахьочу теман тийсадаршкахь дела денна иттанашкахь нах бу бойъуш. Iедалхоша гIаттамхошна тIедетташ долу герзаш дукха хьолахь Оьрсийчохь деш долу герзаш ду. И бахьана долуш Франехь кху деошкахь дIахьочу герзин гайтамашка оьрсийн Рособоронэкспорт концерн ма яийтахьара аьлла кхайкхам бина адамийн бакъонаш ларъярхоша.
Стигалкъекъа-бутт 31, 2012
Оьрсийн газан векал хIоьттина Беккенбауэр

Дерриг а дуьнентIехь дика вевзаш ву немцойн цIеяххана волу футболхо а, тренер а Франц Беккенбауэр. Шозза Европан тоьлла футболхо хаьржина хилла волчу цо футболан исторехь шен цIе язйина. Амма хIинца цуьнан цIе футболаца йоьзна хилла ца Iаш, оьрсийн Газпром концернаца а йоьзна хир ю.
Стигалкъекъа-бутт 30, 2012
Италехь мохк бегоран дакъа кхаьчна нохчийн зударшна а

ТIаьхьарчу иттех дийнахь масийттоза мохк бегийна Италехь, иттех сов стаг а вуьйш. Эзарншакахь ду тховкIело йоцуш бисинчу нехан терахь. Амма беккъа меттигера бахархой хилла ца Iа Италехь мохк бегорах бохам баьлларш. Царна юкъахь Нохчийчоьнан бахархой а бу, йохк-эцар лелон цу махка бахана болу.
Стигалкъекъа-бутт 28, 2012
Синтем боцу Саррацин

Германино евро мацах ша Холокост йина хиларна бехкала а яхана ловш ду, шена оьшуш доцушехь, аьлла, тептар арахецна немцойн скандалечу яздархочо Тило Саррацина. ХIинца оцу хиламо а гIаттийна рогIера скандал.
Стигалкъекъа-бутт 23, 2012
"Заббари" еха Германехь

Европехь бехачу нохчийн мухIажиршна юккъехь дуккха а бу тайп-тайпанчу белхашкахь кхиаме кхахоьгурш. Йоццачу хенахь Iилманашкахь а, бизнесехь а, исбаьхьаллехь а шайн цIе йоккхуьйту дуккхаъчу вайн махкахоша. Германехь, масала, бусулба зударийн духарш тоьгуш ю къона дизайнер Бахарчиева Билкъиз.
Стигалкъекъа-бутт 21, 2012
Австрерчу нохчийн гIуллакхаш листа баьхкина цара кхайкхина а боцу "хьеший"

Масех бутт хьалха Венерчу парламентан декъашхой баханера Нохчийчу, Австрехь беха вайнехан мухΙажираш цIехьаберзоран некъаш цигарчу Ιедалца бийцаре бан. ХΙинца Соьлжа-гΙалара хьеший баьхкина Австре, мухΙажирийн гΙуллакхаш дийца а, шина парламентан цхьанаболхбар чIагIдан а.
Стигалкъекъа-бутт 18, 2012
Младич Раткон тIехь кхел еш ю ХIаагехь

ХIаагехь Дуьненаюкъарчу трибуналехь Боснерачу сербийн армин буьйранча хилла волчу Младич Раткона тIехь дIайоьдуш йолу кхел тIаьхьатеттина суьдо. Цу кхелехь гIантда волчу Ори Альфонса дийцарехь, прокурораш гIалат далийтина, Младичан адвокаташна талламан материалаш а елла. РогIера кхеташо маца хир ю тIаьхьо хоуьйтур ду ша, аьлла, хаам бина суьдхочо Орис.
Стигалкъекъа-бутт 17, 2012
Канны-гIалахь йолаелла 65-гIа кинофестивал

Францерчу Канны-гIалахь йолаелла йолу кхушарахьлера кинофестивал башха ю, иза шен кхузткъе пхи шо кхачар даздеш хиларна.
Стигалкъекъа-бутт 12, 2012
Оьрсийчохь санна, Ιедалан рицкъа ца дуу хьаькамаша Европехь

Францехь хΙинцца паччахь ваьлла, аьлча а, президент хаьржина волу Олланд Франсуа реза ца хилла шена йогΙуш йолчу Ιедалан хΙусамашка, ваха охьаха а. Цо шена а, шен доьзална а чΙогΙа тов, бохура, Парижера шайн долара петар. Немцойн канцлер Меркель Ангела ша йоьду туькана кхача а, бедарш а эца. Ткъа Австрера министраш вилспеташкахь боьлху балха.
Стигалкъекъа-бутт 10, 2012
Оьрсийн эскархочун хIоллам сийсазбина Венехь

„Оха и инцидент хаза нехан санна инзарвоккху вандализм лору, цу хIуманна бехкеберш кароре а, царна догIуш долу гIуда тохаре а кхойкху“, - ишттачу дешнашца резадацаран нота хьажийна Венерчу оьрсийн векало Нечаев Сергейс Австрин арахьарчу гIуллакхийн министралле. Цуьнан бахьана цхьана цабевзачара Венехь Шварценберглатц майданахь лаьтташ болу Оьрсийн Эскархочун хIоллам, тIе цIе-къорза басарш а Iенийна, сийсазбина хилар ду.
Стигалкъекъа-бутт 09, 2012
Даймахке болчу хьогамца Европера нохчий боьлху ...хьонке

Iа юккъе даьлча дуьйна схьа бIаьсте гена аьхкенга ерзаллц хьонках зовкх оьцу вайнаха. Къона а, кIо а болчу хенахь, кхорзий я кхехкабой, буу, гIадаьллачул тIаьхьа галнаш йо я бекъа буу. Муьлхачу а хьесапехь хилла а, нохчийн шуьнан цхьа мехала дакъа хуьлий дIахIутту и кIо буц хIора шарахь шина-кхаа баттана. Иштта токхдо Европерчу нохчаша шайн Даймахке лаьтта дог.
Стигалкъекъа-бутт 08, 2012
...Ткъа Европехь шарΙ лела-м ю дуккха а хан

Ши кIира хьалха инзаре дIахьедар дарца, Оьрсийчохь керстанаш хьовха, бусулбанаш а цецбехира хIинцалц шарIан бакъо йовзарца цкъа а билгалваьлла а ца хиллачу адвоката Хасавов Дагира. Иза ша цул тIаьхьа катоьхна Европан агIор къайлаваьлла. Ткъа нагахь санна цунна шарI а, цуьнан башхаллаш а, ткъа иштта бусулба дин коьрта дин доцчу юкъараллашкахь шарI лелоран башхаллаш а евзаш хиллехь, цунна хуур дара, оццу Европехь шарIаца доьзнарг муха нисдеш ду.
Стигалкъекъа-бутт 07, 2012
Олланд Франсуа президент хаьржина хазахета Францехь бехачу нохчашна

„Сан хьоме махкахой! Францхоша хIинца хIокху сохьта хаьржинарш хийцамаш бу, керлачу президентана шайн кхаьжнаш дIабаларца. Соьга терахьашца дусталур дац, сайна аш дина сий а, сайна хьалха лаьтташ йолу Iалашонаш а. Ас дош ло шуна, сайн махкана къахьега а, сайн болх кхоччуш дика барна тIехь масал хила гIорта а“.
Стигалкъекъа-бутт 03, 2012
Австрера нохчийн мухIажар дIа ца валавелла Оьрсийчоьне

Дела денна аьлча санна хьала айло Австрерачу аэропорташкара политикан тховкIело ца луш, аравокхуш волу цхьацца-шишша нохчийн мухIажар тIехь волу кема. Уьш нуьцкъаха Оьрсийчу дIахьажош бу, меттигерачу Iедалан чоьтах билет а оьций. Цу хIумана дуьхьал къуьйсучу адамийн бакъонашларъярхоша хIинца баьккхина болу, толам Австрехь чкъачунна масала доцуш бу. Кеманна тIе ваккха ши сахьт дисинчу хенахь кIелхьараваккха кадаьлла церан цхьа нохчийн мухIажар.
Стигалкъекъа-бутт 01, 2012
Швейцарин набахтехь кхин а соцур ву Чагаев Булат

Дечкен-баттахь дуьйна Швейцарерчу набахтехь ву нохчийн совдегар, "Ксамакс" футболан клубан долахо хилла волу Чагаев Булат. Цигарчу Iедалхоша иза бехке во, ша эцначу футболан клубан ахчанашца бозбуанчаллаш лелорна.Чагаев Боулат Охан-бутт чекхболуш набахтера дIахоьцур ву аьлла вара. Амма иза кхин дIа а лаьцна вуьтуш сацам тIеэцна Швейцарин прокуратуро.
Охан-бутт 30, 2012
Ненан мотт ца буьйцу Европера нохчаша а

Юнеско цхьанатохаралло масех шо хьалха байна дIабаларан кхерамехь болчу меттанех лерина нохчийн мотт. И кхерам боккъал а боккха буйла кхета, Европехь кхуьучу вайнехан бераша вовшашца къамел деш, цаьрга ладоьгIча. МухIажаралла дIадоладелла иттех шо бен дацахь а, амма царех дукхахболчарна хIинцале а атта хета шаьш дехачу пачхьалкхийн меттанашкахь къамел дан, ненан маттахьчул а.
Охан-бутт 18, 2012
Исраилов Iумар вийначарна тоьхна хенаш ца хуьйцуш йитина Венерчу Лакхарчу Кхело

Венерчу аппеляцин кхело хIинца, кхин хийца йиш йоцуш, тIечIагIдина, масех шо хьалха Венехь нохчийн мухIажар, Нохчийчурчу Iедалийн дуьхьалонча Исраилов Iумар верна чувоьллинчу кхаа зуламхочунна тоьхна гIуданаш. Царех цхьанна велла дIаваллалц набахтехь яккха хан тоьхнера, ткъа вукху шинна 19, 16 шераш тоьхнера. Австрин прокуратурано апелляци йинера, цу шинна а лаккхара хенаш тоха аьлла.
Охан-бутт 17, 2012
77 стаг вийначу Брейвикан кхелехь тоьшаллаш дийр ду шина нохчочо

Норвегерчу Утойа гIайре тIехь 77 стаг вийначу Брейвик Андерсана тIехь кхел йолаелла Осло гIалахь. Дерриг а дуьненан тидам шена тIехь лаьтташ йолчу процессехь тешаш санна вистхила кхайкхина ву, даханчу шеран аьхка Брейвика шен зуламаш дечу хенахь, цу гIайренна тIехь нисвелла хилла волу ши нохчи кIант а.

Хьажа кхин дIа а

XS

SM

MD

LG