РУБРИКАШ

ЦIеххьана кхаьчна хаам!

Чабаев Лоьма

Автор Чабаев Лоьма

Стигалкъекъа-бутт 28, 2013
Стенна дIавахана Царнаев Дагестанера, цигара шен паспорт схьаэца а ца кхуьуш?

Ιамеркан Цхьаьнатоьхначу Штаташкара а, Канадера а, Оьрсийчуьра а пресса ю бутт хьалха Бостонехь динчу лелхийтаршна бехке хила тарлучу Царнаев Тамерланан дахаран некъаш толлуш. Цуьнца а юзуш йовзуьйту журналисташа керла цΙерш, йовзаза хилла Царнаевн уьйраш.
Стигалкъекъа-бутт 23, 2013
Тоьлла нохчий бу Туркойчохь хIаллакбеш

Туркойчуьрчу Уьстмалахь кхаарий буса вийна бизнесхо, Ичкерин векал ларалуш хилла меттигера вахархо нохчо Онлу Медет. Полицин хьостанаша хаам бо, и вийнарг ши стаг ву, царех цхьаъ уьш тΙехь баьхкина машен лелош хилла, шолгΙачо, Онлуна герга а веъна, тата ца хеза тапча йиттина, бохуш. И хеннахь цΙа ца веъча, гергарчарна орца кхйкхийна хилла боху цхьаболчу хаамийн гΙирсаша.
Стигалкъекъа-бутт 18, 2013
Харцоно харцонца харцо а хоьхкуш...

Зе-зулам хилларг а, и динарг а мила ву хьаьжжина толлу, я ца толлу, луьста, бехкаме дерзадо Оьрсийчохь стаго динарг, хилларг. Цунах олийла дац я нийсо я бакъян хьакъ долу система. Оцу хьокъехь къамелаш дира Маршо Радиоца адвокаташа Хадисов Мусас а, Мусаев Мурада а. Цара гойту мел харц система ю Оьрсийчохь чIагIъелла еха бехкталларан а, кхелъяаран а система.
Стигалкъекъа-бутт 17, 2013
Бостонера бохам толлучара хьехайо кхин а цхьана нохчочун цIе

ФБР-о Царнаев Тамерланца юкъарло лелош хилла нохчо Хаджимурадов Муса ву зуьйш кху муьрехь. Нохчийчуьрчу тΙемаша зΙаьΙапхо винчу цуьнан Манчестерерчу цΙийнах хьаьвсинчул тΙаьхьа, дилхан экспертиза а йоккхуш, теллина компьютер. ЖамΙаш цкъачунна гΙара ца даьхна. Амма Оьрсийчоьнан хаамийн гΙирсаша хΙинцале цуьнан цΙе йоху Бостонехь динчу лелхийтарийн декъа а яьккхина. Гучудаьлла Хаджимурадов Муса Нохчийчохь хьалхара тΙом боьдуш Закаев Ахьмада куьйгалла динчу тΙемалошлахь хиллийла.
Стигалкъекъа-бутт 16, 2013
Кхин цхьаннах а «вахьабхо» веш ю Оьрсийчоь

Кест-кеста динашна а, мехкашкахь дехачу къаьмнашна а юкъа цим тасарх пайда а оьцуш бехачу Оьрсийчуьрчу хаамийн гΙирсаша рогΙера питана даржийна, Петарбухарчу «Макка» цΙе йолчу бусалбанийн юкъараллан хьалханчас Валеев Рината аьшнаш бо Дуьненан ШолгΙачу тΙамехь белла Оьрсийчоьнан эскархой а, керста дин а, Iедал къобалдеш болу муфтеш а, имамаш а, бохуш.
Стигалкъекъа-бутт 15, 2013
Орца дала - Сибрех йоккхуш бу кавказхой!

Оьрсийчоьнан маьΙ-маьΙнехь лелхачу бухарчу бахархойнний, кавказхойнний дар-дацарех рогΙераниг ду деношкахь Тюменерчу Сургут-гΙалахь иккхинарг. Вовшах а кхетта, оцу гΙала бΙе гергга машенахь боьлху кавказхой совца а бина, царна йиттина полицино. Листа долийча гучудаьлла, цунна оццул шога хьовза бахьана хилла а доцийла. Лецнарш дΙахецна. Амма даима а нислуш ма-хиллара, йиттинарш къинтΙера бохучу меттана, Ιедало хΙинца дестадеш дуьйцу мел зуламе нах бу цигахь беха кавказхой.
Стигалкъекъа-бутт 13, 2013
Лапанкурехь байинчу нохчийн кешнаш даьстина гуьржийн Iедалша

Гуьржийчохь стохка аьхка Лапанкури-юьртана гергахь 11 нохчо а вуьйш, иккхинчу тΙематасадаларан бух тахана а толлуш ду Иванишвилин Бидзинин Iедал. Премьер-министра деношкахь гуьржийн телехьожийлехула дΙахьедина, президентан Саакашвилин Михаилан къайлахчу сервисо хΙетахь Европера шайн махка дIагулвира, Кавказ-Имаратах дIа а кхетта, Оьрсийчоьнна дуьхьал тIемаш бан лууш волу 120 нохчо, амма царна тешнабехк а бира, аьлла. Иванишвилис бахарехь, цуьнан гоно кестта Iорадоккхур ду бакъдерг.
Стигалкъекъа-бутт 08, 2013
Айдамиров Iайнди оьрсийн каралахь...

Стокгольмехь кху кΙиранашкахь шозза, гуламе а бевлла, дехна нохчаша Швецин Ιедалшка Ичкерин тΙемало Айдамиров Ιайнди Оьрсийчоьнан кара цавалар. ТΙеман баьччин Гелаев Русланан тобанехь леллачу цунах хиндерг, шеко а йоцуш, билгал ду – иза набахтехь я цига а ца кхачош хΙаллаквийр ву Кремлан ницкъаша, боху Айдамировн агΙо лаьцначу меттигерчу нохчийн жигархоша.
Стигалкъекъа-бутт 07, 2013
Оьрсех килсе лелаш дац бIозлагIа дакъа а

Мел дукха нах бу Оьрсийчоьнан бахархошлахь керста а, бусулба а динаш лелош? Оцу хаттарна дуьхьал, юьхьарлаьцначу Ιалашонашка хьаьжжина, кеп-кепара жоьпаш ло статисташа а, политикаша а, динан дайша а. Керстанийн уггаре деза де Пасха дара дΙадаханчу кΙирандийнахь. Цо гайтира, масала, Оьрсийчоьнан бахархойх муьлха дакъа ду килсаца гΙуллакх догΙуш.
Стигалкъекъа-бутт 02, 2013
"Дика ду-кх Кадыров воцу меттигаш йолуш а!.."

Маца, муьлха хьелаш дΙахΙиттича цΙехьабоьрзур бу мухΙажирш Нохчийчу аьлла хΙоттийра Маршо Радионо кху кΙиранна хаттар. Арахь болчу а, махкахь бехачу а хийлачу нехан лазам иза буйла хоуьйту шуьгара, тхан хьомсарчу махкахошкара, кхаьчначу жоьпаша.
Стигалкъекъа-бутт 01, 2013
Кунгаева Элзин дахар юхадендан еъна дуьненчу Жаннати Элза

Адамийн ламасташка диллича, йоьлха де а дац кху йоьIан (эфирехь доьлхуш хеза бер) – шо кхаьчна ерриг Европана а нийсо хьоьхучу адамийн бакъонаш Iалашъечу Францерчу Страсбург-шахьарахь дуьнентIе яьллачу Эльзин.
Охан-бутт 30, 2013
Темирханов бехке хета кхелахошна

Оршот-буса цΙеххьашха шен сацам - вердикт - дΙакхайкхийна Буданов вер толлучу кхелехь бехк-къасторхоша. Зулам дарна бехке ву нохчо Темирханов Юсуп, аьлла, ю иза. Амма цуьнан лорах шен сацам дΙакхайкхочу меттана, кΙиранна кхелан болх юкъахбаьккхина суьдхочо.
Охан-бутт 25, 2013
Хиллачунна дерриг нохчийн къам бехке дойла дац, боху Ιамеркахоша

Ιамеркан Цхьаьнатоьхначу Штаташка баьхкинчу а, кхочучу а нохчийн мухΙажиршна юридикан накъосталла латточу адвокатийн Нью-Йоркерчу хьукматан куьйгалхо ю юрист Роховански Альмут. Бостонерчу бохамна вежарий ЦарнаевгΙар куьг-бехке хила тарло аьлла даржаро боккха бала боссийна Ιамеркарчу массо а нохчашна тΙе, аьлла дийцира цо Маршо Радион корреспонденте Солаш Ричарде.
Охан-бутт 24, 2013
Бостонехь хилла бохам толлуш, ХΙинжа-ГΙала баьхкина Ιамеркахой

Дагестанехь шинарий а, кхаарий а денош даьхна Ιамеркан Цхьаьнатоьхначу Штатийн векалша Бостонехь лелхийтарш дарна бехкебечу вежарийн ЦарнаевгΙеран гергарнаш а лебеш, меттигерчу Ιедалшца дага а бовлуш. Дагестанан чоьхьарчу гΙуллакхийн министра дΙахьедина, стохка ХΙинжа-ГΙала а веъна, цигахь ахшо ша даьккхинчу Царнаев Тамерланан ца хилла меттигерчу экстремисташца цхьаькхетарш, аьлла.
Охан-бутт 23, 2013
Царнаев Тамерлана хΙун деш даьккхина стохка Дагестанехь ахшо?

Бостонерчу марафонехь лелхийтарш дарна бехке вечу шина вешех цхьамма, Царнаев Тамерлана, стохка хΙун деш даьккхина ахшо Дагестанехь? Цигахь-м ца йоьлла те цунах радикалан исламан хьу? Оцу хеттаршна жоьпаш лоьху тахана Ιамеркан Цхьанатоьхначу Штатийн полицино а, лерринчу ницкъийн векалша а. Маршо Радион корреспондента Балмфорт Тома, ХΙинжа-ГΙала а вахана, оцу хьокъехь къамел дира ЦарнаевгΙеран ненайишица Сулейманова ПетIаматца.
Охан-бутт 22, 2013
ЦарнаевгΙеран доьзал зуьйш ву массо а

Бостонерчу марафонехь лелхийтарш дарна бехке хила тарлуш лору талламчаша Юккъерчу Азера схьаваьлла, 10 шо гергга Ιаьмеркан Цхьаьнатоьхначу Штаташкахь веха ши ваша ЦарнаевгΙар – Тамерлан а, ДжовхΙар а. Охан-беттан 18-чу дийнан сарахь полицина дуьхьал герз даьккхинчохь велла Тамерлан, шолгΙачу дийнахь лаьцна къайлаваьлла хилла ДжовхΙар. ЦарнаевгΙеран доьзалх лаьцна хууш дерг гулдира Маршо Радион корреспонденташа.
Охан-бутт 21, 2013
Windows a, Office а нохчийн матте яккхахь...

6000 маттах 100 сов бен бац компьтершна чукхачийна, бухабисинарш технологийн меттанаш а ца ларало. Нохчийн мотт цивилан мотт беш, оцу матте Windows а, Office а программаш йохуш къахьоьгу нохчийн Iилманчаша а, могIарчу жигархоша а. ХIун аьтто хуьлу церан оцу тIехь?
Охан-бутт 19, 2013
ЦарнаевгIар бехке бо Бостонехь динчу лелхийтаршна

ПΙераскан буса полици шайна тΙаьхьаяьлча, лелха герзаш а кхуьйсуш, духьалваьллачу шиннах цхьаъ лазийна. Иза дарбан цΙийнехь дΙаваьлла. ШолгΙаниг «Мерседес» машенца ведда, кΙелхьараваьлла Кембриджна уллерчу Вотертаунехь. Уьш бу вежарий ЦарнаевгIар - Тамерлан а, ДжовхIар а, Дагестанан шахьарахь ХIинжа-ГIалахь вехачу нохчочун Царнаев Анзоран бераш.
Охан-бутт 17, 2013
Аушев Руслан реза ву президент хΙотта

ГΙалгIайн жигархоша шайн махкарчу бахархошкара 60 эзар хиллал куьйгаш лахьийна гурахь хила безачу президентан харжамашка Аушев Русланан кандидатура хьалхатоттуш. 12 шо хьалха шегахь хиллачу ГΙалгΙайчоьнан куьйгалхочун дарже юхаван резахилла ша Аушев а. Амма могуьтур дуй цунна Кремло оцу дарже хIотта боху хаттар гIотту Аушев Iедале юхаван тарло бохучуьнца цхьаьна.
Зазадоккху-бутт 31, 2013
МаслаIат я Iожалла!

Кеп-кепарчу зорбано а, Ιедалан хьостанаша а хIора денна бен хаамаш вовшах а тухуш, жамIе дерзийча тIаьххьарчу шерахь Къилбаседа Кавказан бахархошна хилла зенаш иштта ду: Ιедалх а, гΙаттамхойх а вийна 700 стаг, лазийна 530. Дина 100 гергга эккхийтар. И тайпа Iожаллаш кхин а дIаяхлахь, шаьш-шайн кхачон а сахьт дац кавказхоша.

Хьажа кхин дIа а

XS

SM

MD

LG