РУБРИКАШ

ЦIеххьана кхаьчна хаам!

Азимова Сийлаха

Автор Азимова Сийлаха

ГIадужу-бутт 04, 2012
Шпионаш бац – жоьлгаш ю

Оьрсийчоьнна болх бечу шпионашца йоьзна рогIера гIовгIа яьржина Цхьаьнатоьхначу Штаташкахь. Ши шо хьалха цигахь гучуяьллера оьрсийн къайлахчу сервисана болх беш хиллачу нехан тоба. ХIетахь санна, хIинца Iамеркахойн Iедална гучубевллачу оьрсийн айкхийн терахь а ду цхьайтта стаг.
ГIадужу-бутт 03, 2012
Оьрсийчоьно адамийн бакъонаш талхош хиларна реза яц PACE

Шинарин дийнахь ПАСЕ-н рогIерачу сессехь дийцаре деш дара Оьрсийчура хьал. Цу дийцарийн жамIехь тIеэцна Оьрсийчохь адамийн бакъонаш хьешар емал деш йолу резолюци.
ГIадужу-бутт 02, 2012
Варелаш! АншлагьгIарах ларлолаш!

Шо хьалха Германехь гучудаьллера Оьрсийчоьнна болх беш долу ши айкха. Ткъе пхиъ шо хиллера и шиъ цкъа хьалха Советийн КГБ-на, ткъа цул тIаьхьа хIинцалерачу Оьрсийчоьнан къайлахчу сервисана болх беш долу. Цара толлуш хиллачу къайленашна юккъехь Малхбузенан политика а, тIеман а къайленаш хилла ца Iаш, иштта Европехь тховкIело лоьхучу нохчийн мухIажарийн леламаш а хилла.
ГIадужу-бутт 01, 2012
Ирландехь бусулба зудчунна эшам барна гIуда тоьхна туьканан долахочунна

Цхьана бусулба зудчо Ирландера туька кхеле елла, шега коьртахь, дино ма-бохху, тиллина йовлакх долуш болх ца бойту аьлла. Дукха хан яц цу пачхьалкхехь цхьана нохчийн мухIажаро, ша коьртахь хIума а йолуш туькана яхча, шеца ларам боцуш хилла аьлла, кхеле а яьлла, толам баьккхина.
Гезгмашин-бутт 28, 2012
Нохчийн кхин цхьа тоба а ю Австрера арайоккхуш

Вайнехан Европерчу мухIажирех уггаре дукха дакъа деха пачхьалкх ю Австри. Деношкахь царех рогIера тоба ю махках а яьккхина, Оьрсийчоьнан караяла кечъеш. Оцу хиламна резабоцчу нохчаша а, царех доглозучу меттигерчу бахархоша а гуламаш хIитттон болийна махкахь.
Гезгмашин-бутт 28, 2012
Германехь Нохчийчоьнан ХIусам схьаеллахь...

Нохчийчоьнан арахьарчу зIенийн Департаментехь дIадаьхьначу цхьанакхетараллехь дакъалоцуш вара оцу Департаментан куьйгалхо Хаджимурадов Iисай, Германера веъна хьаша Шмайхель Франкий. Официало бинчу хаамашца, цара йийцаре йира немцоший, нохчаший экономикехь а, культурехь а, социалан хеттаршкахь а цхьаьна белхаш баран агIонаш.
Гезгмашин-бутт 26, 2012
Бусулбанаш, жуьгтий, керстанаш - цхьана Делан цIа чохь

Цхьаццаболчу ницкъаша, бусулба дин емал деш, керстанийн, бусулбанийн барт эгIон гIертачу хенахь, Германехь кхочушъян йолийна тайп-тайпанчу динийн векалшна юкъахь барт чIагIбан лерина проект. Берлинехь массо а динийн наха цхьана тхов кIелахь ламазаш дан таро йолу хIусам ю еш.
Гезгмашин-бутт 25, 2012
Магомадов Русланан "ЦIа" филм тоьлла Нью-Йоркерчу киногайтамехь

Дукха хан йоццуш Iаьмеркарчу кинофестивалехь совгIат делира нохчийн кинорежиссера Шарипов Инала яьккхинчу филмана. Ткъа деношкахь Нью-Йоркехь дIаяьхьначу кинофестивалехь тоьлла вайн махкахочо Магомадов Руслана яьккхина фильм.
Гезгмашин-бутт 24, 2012
Нохчийн спортан сий дебаде бераш

МухIажирш а бевлла, Европе дIабахначу нохчийн доьзалшкахь кхуьуш ду спортаца уьйр лелае бераш. Кест-кеста баьржа рогIерчу къовсадаларшкахь вайнехан къоначу спортхоша толаман меттигаш баьхна, боху хаамаш. Кху мукъаденошкахь Венехь дIабаьхьначу спортан гайтамашкахь тоьллачарна юкъахь а вара масех нохчийн кхиазхо.
Гезгмашин-бутт 22, 2012
Бунт айинчу цицкийн мукъамаш бац, адамийн бакъонаш ю Германерчу спектаклехь юьйцурш

Pussy Rioт тобанна гонаха кхолладелла хьал Оьрсийчохь адамийн бакъонаш хьешар керлачу тIегIан тIе даьлла хиларан тоьшалла лору Малхбузехь. Москохарчу килсанахь Путин дIаэцаре Деле доьхуш йиш лекхна, аьлла, набахте йоьллинчу кхаа йоIан кхолламах лаьцна спектакл хIоттийна Берлинерчу театрехь.
Гезгмашин-бутт 20, 2012
Литвиненко веран хьокъехь ладогIарш хилла Лондонехь

Британерчу Лакхарчу Кхелехь дIадолийна ялх шо хьалха Лондонехь Литвиненко Александр вер хьокъехь долу ладогIарш. КесталгIа цу зуламна гонахара кхел дIайолалуш хиларца доьзна ду иза.
Гезгмашин-бутт 19, 2012
Оьрсийчохь кхаьънаш даларна Германехь бехке бина Hewlett-Packard компанин куьйгалхой

Оьрсийчохь лакхарчу Iедалан даржашкахь болчу нахана, шайн балхана новкъарлонаш ца яйтархьама, кхаьънаш дала дезаш хьал хуьлу Малхбузерчу бизнесхойн. Масех шо хьалха Германехь шуьйра дийцра немцойн Даймлер концерно оьрсийн хьаькамашна тоьллачех машенаш елла хилар. ХIинца «Хьюлетт Паккард» фирмин куьйгалла бехке деш ду, оьрсийн Iедалхошна кхаьънаш даларна.
Гезгмашин-бутт 18, 2012
Ислам сийсазден филм питане лору Европехь а

„Бусулбанийн бехк цахилар“ цIе йолу бусулба дин а, Мохьмад пайхамар а емал деш йолчу фильмано айъина оьгIазлонан тулгIе доллучу дуьнентIехь а яьржаш ю. И фильм яккхарна а, иза яржорна а резадацар гайта урамашка бевллачу наха Малхбузерчу пачхьалкхийн векалташна тIелатарш дарехь хIинцалца вийна масех стаг. Ткъа и оьгIазло хIинца Малхбузерачу Европерачу урамашка а аьлла.
Гезгмашин-бутт 15, 2012
Саидова Хадижат – Франкфуртера нохчийн меттан гΙаролхо

Нохчийн меттан хьолах, цуьнга ларам болучу нахах Маршо Радионо шега дийцалуччул дуьйцу даима а. Оха даккхийдерца йовзуьйту Германехь вайн ненан мотт уггаре а кегийчу берашна маьхаза хьоьху Саидова Хадижат. Иштта нохчий алссам хилича, шен мотт адамна уггаре а хьалха оьшийла кхета а там бара хΙора а нохчо, хуьлда иза вехаш Декъастахь я пана махкахь.
Гезгмашин-бутт 13, 2012
ПаргIато, ша Европера и ца кхачахь, йоцуш ю

Къилбаседа Кавказера хьал де дийне мел долу кегалуш хиларна саготта ю Малхбузе. Оьрсийчоьнан къилба къошташкахь Iедаллий, тIемалоййий духь-дуьхьал латтарх кхета а, цу хьелашкахь адамийн бакъонаш ларъярехь къахьоьгучу жигархойн болх бовза а йолчу шен Iалашонца Берлинерчу Белль Генрихан цIарахчу фондо дIаяьхьира леррина конференци.
Гезгмашин-бутт 11, 2012
Кхин цхьа тIуьллиг-доттагI а карийна Кадыровна

Кест-кеста хеза Нохчийчохь вовшахтоьхначу даздаршкахь я конференцешкахь дакъалоцуш Малхбузера хьеший бара боху хаамаш Соьлж-ГIаларчу официалера. Иштта нисделира деношкахь цигахь дIадаьхьначу „Кадыровн дешаршкахь“ а. Цигахь дакъалоцуш вара Германера хьаша Шмайхель Франк а. Ткъа мила ву-те Нохчийчуьрчу хаамийн гIирсаша немцойн урхаллин хьехамча санна вовзийтина и стаг, теллира Маршо Радионо.
Гезгмашин-бутт 11, 2012
Берлин «яьккхина» вайнаха

Европехь хьалакхуьучу вайнехан кхиазхошна юкъахь дуккха а бу спортца гергарло лелораш а, спортехь кхиамаш бохурш а. Кху деношкахь Берлинехь дIаяьхьначу маьршачу латарийн турнирехь массех толаман меттиг баьккхина царех цхьаболчара.
Гезгмашин-бутт 07, 2012
Европано кIадо йина Оьрсийчоьнна

Европан Кхеташонан парламентан ассамблеяно Оьрсийчура хьолах лацна долу рогIера рапорт зорбане даьккхина. Бозуш боцу тергамхой цец а бохуш, кIеда-мерза мах хадабо цу рапортан авторша Оьрсийчохь тIаьхьарчу шерашкахь хиллачу хийцамийн.
Гезгмашин-бутт 05, 2012
Оьрсийчоьнан Газпроман болх толлуш ю Еврокомисси

Европехь дика евзаш ю Оьрсийчоьнан Газпром концерн. Кест-кеста баьржа хаамийн гIирсашкахь цу концерно, шена алсам са яккхархьама, цхьамогIа Европин низамаш дохадо боху хаамаш. ХIинца Еврокомисси официала декъехь и шеконаш талла йолаелла.
Гезгмашин-бутт 02, 2012
Бераш - цхьабосса, таронаш - бес-бесара

Бераш школе доьлху хан йолаелла доллучу дуьнентIехь, амма Европехь а, Нохчийчохь а тайп-тайпана бу и мур, кеп-кепара ю дай-наноша ен харжаш. Амма оьшург нисдан атта дацахь а, хаза хан ю бер деша дIаьажош ерг. Муьлхачу хьелашкахь школе доьлху нохчий бераш Декъастахь а, Европехь а теллира Маршо Радионо.

Хьажа кхин дIа а

XS

SM

MD

LG