РУБРИКАШ

ЦIеххьана кхаьчна хаам!

Чабаев Лоьма

Автор Чабаев Лоьма

Товбеца-бутт 12, 2013
Нохчий кийча бу оьрсийн боберех адамаш дан

Оьрсийчоьнан президентан цΙарх берийн бакъонаш Ιалашъечу адвоката Астахов Павела хаам бина, ша Нохчийчоьнан куьйгалхочуьнца Кадыров Рамзанца Петарбухара бобераш нохчашка кхаба далар дийцаре деш ву, аьлла. Стенца дозу цунна, Оьрсийчохь дехачу бΙе сов къаьмнашна юкъара нохчийн къам а къасттийна, цуьнга де эшначу оьрсийн берашна тΙехь верасалла леладайта лаар?
Товбеца-бутт 11, 2013
Селхана - ийцира, тахана - вухкуш ву Темишев Ислам

Накъостан тешнабехкаца кхелхина, нохчийн исторера схьаэцча, хийла къонаха, масала, Эвтархойн Ахьмад, обарг Зелимха, Дудаев ЖовхIар, Масхадов Аслан, дуккха а кхиберш. Тешнабехк бар, накъосташна ямартло яр цкъа ца хилла вайн къомо къобалдеш. ТIемалойн ГакаевгΙеран тоба кхелхачу дийнахь ваьлла Темишев Ислам накъостий бухкучу новкъа, я хьалха дуьйна царех а кхетта, уьш бухкуш лелла, кхеташ дац. Емалво Темишев Маршо Радиоца къамел диначара а...
Товбеца-бутт 10, 2013
Ас вуур ву хьо, ...накъост!

Саратов-махкарчу Пугачевхь иккхинчу девно а, цигахь цул тΙаьхьа хилллачу протестан гуламаша а гойту мел дукха ю нехан вовшашка хьагΙ-гамо. Дукх хан йоццуш Оьрсийчоьнан Ιилманийн академин социологин интитуто теллина адамийн вовшашка болчу цабезаман барам – цо хаттам бинчу 78 процент наха боху, шаьш кийча ду милла а, герз диттина вен.
Товбеца-бутт 09, 2013
Пугачевхь нохчашний, бухарчу бахархошний юкъадоьлла дов дижон гΙерта Ιедал

Саратов-махкарчу Пугачев-гIалахь дахначу пΙераскан дийнахь 16 шо кхаьчначу нохчочо меттигера вахархо вер декха арабевлла нах, оьрсий а, гΙезалой а, летта меттигерчу нохчех. Гуламаш лаьтта гΙалахь. Церан декъашхоша Ιедал декхаре до нохчий махкахбаха. Марсадолуш лаьтта дов дижо гΙерта мехкан куьйгалхой а, полици а.
Товбеца-бутт 05, 2013
"Кадыров а, Умаров а юьстах а витина, маьрша пачхьалкх кхолла еза"

Шуна муха хета, махкахь къепе хΙоттош, хΙаллабалур буй Ιедале массо а тΙемалой я машар бийца догΙу Умаровн гонца? Иштта дара вайн дийцаре дина хаттар.
Мангал-бутт 28, 2013
ОвхΙанистанна машар хьоьхучу политикашлахь а бац барт

ИНТЕРВЬЮ. ОвхΙанистанехь бахбеллачу тΙамо хьоьхург цхьаъ бен дац – бертан къамелаш долор. Оцу Ιалашонца, массех пачхьалкх декъахь а йолуш, Кхатарехь барт бийца дезаш яра ши агΙо – ТΙалибан а, Кабулера Ιедал а. Амма доладалале доьхна цхьаьнакхетар. Сте новкъарло йо машарна?
Мангал-бутт 27, 2013
«Ιаьрбийн бΙаьстенан» тов кхерста Мисар-махках

Беккъа цхьа Шемара тΙом хилла ца Ιа Ιаьрбийн мехкашкара хьал кхерамехь кхобург. «Ιаьрбийн бΙаьстено» цΙинйина лору Мисара а ю гΙаттамашкахь. Цигахь стохка хаьржинчу президентна Мурси Мохьаммадна реза дац бахархойн доккхаха дакъа. Еарийдийнахь, ша халкъе къамел деш, цо дехна мохк кегабаларх Ιалашбар.
Мангал-бутт 26, 2013
Сулейманов Раис: Бусулба нах шайн къаьмнийн орамех хедабо салафийано

Оьрсийчуьрчу маьждигашкахь даΙваташ меттигерчу къаьмнийн меттанашкахь а ца деш, юкъара лоручу оьрсийн маттахь до, оцу хьоло иштта а эшамехь долу меттанаш, нахана ца оьшучу дохуш лаьтта, бохуш орца доху кху деношкахь шен артикл тΙехь Идал-хица лаьттачу мехкийн регионалан а, динан а талламийн центран директора, гΙезалочо Сулейманов Раиса. Цо яржаен ойланаш бух болуш хиларе терра, Маршо Радионо къамел дира цуьнца.
Мангал-бутт 25, 2013
ХIун башхаллаш ю набахтешкарчу нахана юкъахь?

ХΙун башхалла ю набахтешкарчу тутмакхашна ечу гΙелонашний, хьакъ доллу таΙзар цунна тIехь латторний юкъахь? И хаттар лаьтта юридикан теоретикашний, мехкашкарчу политикашний юкъахь. Цхьоболчарна хетарехь, тутмакхна етташ ца хилчхьана, дика ду набахтера хьал, кхечарна хетарехь, царна дуьненара хьал довзуьтуш, набахтешкахь телевизорш ца латтор а ю гΙело.
Мангал-бутт 24, 2013
Сочера олимпиада – "катуху" майда

Ахшо дуьсу Оьрсийчоьнна Дуненаюкъарчу Ιаьнан Олимпан ловзаршна ша Сочехь ен спортан гΙишлош, кхийолу инфраструктура йина яккха. Белхан болар гΙийла хиларо а, ахча ца тоаро а шеконе доккху пачхьалкх ларалур ю Ловзаршна шен хеннахь кечъяла бохург. Хьал дардеш, яьржина лела цигахь коррупци а. Оцу хьокъехь орца дохуш бу дуккха а бахархой, политикаш.
Мангал-бутт 23, 2013
Дуьненна а нохчийн мотт марзбан гIерта Байсултанов Дауд

Нохчийн мотт бакъонийн бухе кхачорца, филологин кепа нисбарца къоман эсехь виса догΙу Джамалханов Зайнди. Меттан бартакхолларалла тептаршка ерзорна вайн мотт мел беха а яха хьакъ ю Сальмурзаев Мохьмадан цΙе. Дешан мукъам товш бекорна сий до вай шина а МамакаевгΙеран – Мохьмадан а, Ιаьрбин а. Меттан кΙоргалла, цуьнан шоралла гайтарна вайн классикийн хьалхарчу могΙарахь даима а хир ву Айдамиров Абузар. Уьш санна, кхин а бу нохчийн къоман, Дала цуьнан меттан доь ца дайта дуьнентΙе бахкийтина... Царех ву, ша вазвойла хиича, суна ца магийттал оьзда къонах волу Ιилман доктор Байсултанов Дауд а.
Мангал-бутт 21, 2013
Саьрмикан багара Нохчийчоь яллалц...

Нохчийн мухIажир. Духаре хьаьжча - токхе адам, дагчу хьаьжча - пекъар. Даймахка маршо йоссаре сатуьйсуш, 150 эзар веха царех Европехь. Оцу терахьан эхе кхоччуш хир бу Малхбалехь а, кхечу пачхьалкхашкахь а. Девзаш доцу цхьа дакъа ду массанхьачул а эшамечу хьелашкахь хан токхуш Оьрсийчоьнан мехкашкахь а. Чуьрачел башха, арахьарчу нохчех дог лозуш-м вац цхьа а дожал...
Мангал-бутт 18, 2013
Оьрсийн сепаратизм яхчало Украинан лаьмнашкахь

Тан, Терк, Псыж, Воронеж, Усмань хишца Оьрсийн автономи кхолла хьаьгна кегийрхой дΙагулбан дагахь ю шайн махкахь «Украинан Национал Цхьаьнакхетаралла» шех олу юкъаралла. 45 дийнахь царна Ιамор ду оьрсийн автомигахьа пропаганда яржон а, Ιедалан ницкъашна духьал латта а.
Мангал-бутт 13, 2013
Ирхъоллавалар бусулба динехь дацахь а...

Нохчийчохь кест-кеста нисло, деношкахь Теркйистерчу НогΙамирзин-Юьртахь санна, Ιедало тΙеΙаткъам бинчу стага ша-шен дахар дΙахадош. Юй стеган шена тΙе куьг дахьа бакъо? Мел къехьа ду иза дар? Ιедалша оцу тΙе кхачоро бехказа воккхий те шен лаамца велларг? Иштта дара Маршо Радионо ладогΙархошна хьалха кху кΙиранна хΙоттийна хаттар.
Мангал-бутт 07, 2013
Европерчу нохчашна юха а тешнабехк бина оьрсийн журналисташа

Оьрсийчоьнан телехьожийлаша а, газеташа а кест-кеста айо дозанал арахьа бехачу нохчийн проблема. И маьΙна долуш яра хьалхо «Оьрсийчоь» олучу телехьожийло, Норвегера нохчийн мухΙажирийн дахар масале а дуьллуш, «Европа ца тайна нохчашна» аьлла цΙе а тиллина, кечйина программа. И гайтинчул тΙаьхьа Маршо Радиоца зΙене бийлина Норвегехь беха дуккха а нохчий. Уьш реза бац шайх лаьна оьрсийн хаамийн гΙирсаша дуьйцучунна.
Мангал-бутт 06, 2013
Бусулба умматана балеболуш лаьтта Шемара тΙом

Президент Асад Башар толамашка кхачош, хьал карчийна цуьнгахьа тΙемаш бечу Либанерчу Хьизболлан а, ГΙажарийчоьно цига хьежочу а тобанаший, Оьрсийчоьно герзаца латточу аьттонаший. Оцу кхаа агΙонан гΙоьнца шен олалле ерзийна Асада деношкахь, масала, Кусейр-гΙала. Амма иштта, арахьарчу гΙорторех пайда а оьцуш, Шемин президента меттахΙоттош йолчу «къепено» махкара тΙом шорбан а, луларчу пачхьалкхашка кхачон а тарло. Шемина тΙехь лаьттачу кхераман рогΙерчу муьрах лаьцна дуьйцу шен артиклехь Маршо Радион корреспондента Рекнагел Чарлза.
Мангал-бутт 04, 2013
Стохка Лапанкурехь 11 нохчо вер теллина Ичкерин комиссино

Стохка аьхка Лопота-чΙажахь гуьржийн ницкъахоша 11 нохчо вийча, хиллачу бохаман бухе лерина комиси кхиъалц, шен къоман массо а векалшка, цхьаьнце гамо а ца лелош, собаре хилар дийхира Ичкерин лидера Закаев Ахьмада. ХΙинца, и бохам хилла 9 бутт баьлча, талламаш а берзийна, сацам Ιорабаьккхина комиссино. Цуьнан куьйгалхочуьнга, дозанал арахьа Ичкерин Ιедалан хьалханчин когаметта волчу Ферзаули Ιусманца оцу сацаман хьокъехь къамел дира Маршо Радионо.
Мангал-бутт 03, 2013
Хийцамийн юьхьиг-м яц те ХΙинжа-ГΙалин мэр Амиров СаΙид лацар?

Цкъа а хуьйцуш а воцу ХΙинжа-ГΙалин мэр Амиров СаΙид деношкахь Москохара кхаьчначу ницкъаша лаьцна дΙавигарх дийцарш дагестанхошлахь лелла ца Ιаш, лела Москох а. Кавказал а гена дΙасакхочуш дара цуьнан куьйгаш, ерриг а Оьрсийчуьрчу мафиозин хьалханча а, вуно дукха ахчанийн да а вара иза, чΙагΙдо иза вевзинчара а, цуьнан имидж тергонехь кхаьбначара а.
Мангал-бутт 01, 2013
Композитор, илланча Келоев Iиса (Швеци): Нохчийчоь яцахь, со а вац...

Декъастанарчуй, дуьненан цхьацца маьIашкахулий бехачу нохчий вовшашка йолу марзо совъяккха, уьш бовзийта ойла йолуш, «Шун оьзда гIиллакхаш – даймехкан безам бу» цIе тиллина рубрика юкъаяккха сацам бина «Маршо Радионо». Духьара дийцар хир ду Швецехь вехачу композиторх Келоев Ιисах лаьцна.
Стигалкъекъа-бутт 29, 2013
Кремлана балеяьлла "Вконтакте"

Оьрсийчуьра уггаре а дукха интернетхой шена гергаоьзначу социалан машанех ю «Вконтакте». Карарчу муьрехь цхьана бевзаш боцчу ницкъаша хьовзамашка даьккхина цуьнан дахар. Маситтаза нисделла цунна вирусаш тΙелеташ, ткъа деношкахь Ιедало ша зуламе лоручу сайтийн Ιаьржачу тептар тΙе яьккхира иза. ТΙаккха хаам бира, иза гΙалатлонна нисделла, аьлла.

Хьажа кхин дIа а

XS

SM

MD

LG